Үлэг гүрвэлүүд хөхтөн амьтныг авлаж, хүнсэндээ хэрэглэдэг байсныг батлах анхны олдворыг илрүүлснээ Канадын судлаачид саяхан зарлажээ.
Микрораптор хэмээх далавчтай, махчин үлэг гүрвэлийн ясны завсар жижиг хөхтөн амьтны хөл байгааг Канадын Макгиллийн их сургуулийн палеонтологийн профессор Ханс Ларссон анх илрүүлсэн юм байна.
“Уг олдвор нь устаж үгүй болоод удаж буй энэ амьтны хоол хүнсний хэрэглээний талаар цорын ганц, маш ховор нотолгоо болж байна. Микрораптор нь “оппортунист” идэштэн байжээ. Эндээс эрт галавын экосистем хэрхэн ажиллаж байсан талаар судалгааны шинэ чиглэл нээгдэж байна” гэж профессор Ларссон мэдэгдэлдээ бичжээ.
Олдворын төсөөлөл зураг
Макгиллийн судлаачдын мэдээлснээр хоол хүнс болсон амьтныхаа ясыг агуулсан үлэг гүрвэлийн олдвор нийтдээ 20 орчим л илэрч байсан байна.
Харин энэ олдвор нь хөхтөн амьтны ястай анхны тохиолдол ажээ.
Микрорапторын ясыг анх 2000-аад оны үед Хятадын Ляонинь мужийн нутаг, Шар тэнгисийн эрэг орчмоос илрүүлж байсан гэнэ. Эрдэмтэд энэ амьтан дөрвөн далавчтай учраас үхсэн гэж таамаглаж байжээ. Харин одоо дөрвөн далавчныхаа хүч чадлыг нөхөхийн тулд тааралдсан амьтан болгоноо зооглодог байсан байх гэж дүгнэж байна.
Эх сурвалж: Business Insider
