Даваа гарагт Якутын Маган хотоос Магадан чиглэлд хөөрсөн ИрАэро (Эрхүүгийн авиа компани) компанийн нисэх онгоцны хаалга нээгдэж, зорчигчдын ачаа, малгай хийссэн хэрэг гарчээ.
43 жилийн өмнө үйлдвэрлэгдсэн Антонов Ан-26 загварын нисэх онгоцны хаалга газраас 2,700 гаруй метрийн өндөрт хөөрөөд байх үеэр гэнэт дэлгэгдсэн юм байна.
Онгоцны бүхээгийн доторх агаарын даралт огцом буурч, зарим зорчигчдын ачаа, малгай хийссэн тухай гэрчүүд мэдээлжээ.
25 зорчигч, нисэх багийн зургаан гишүүнтэй онгоц тэр даруй буцаж газардсан байна. Зорчигчдын ихэнх нь зузаан хувцастай байсан тул Сибирийн -40 хэмийн хүйтнийг тэссэн гэнэ.
“Азаар онгоцонд зорчиж явсан 25 зорчигч, нислэгийн багийнхан эсэн мэнд гарсан байна. Зарим хүмүүсийн малгай хийсэж, онгоцноос унажээ” гэж Маган хотын нисэх буудлаас мэдээлжээ.
Сүүлийн жилүүдэд Ан-26 загварын нисэх онгоцтой холбоотой хэд хэдэн осол гарч байв. Тухайлбал 2020 оноос хойш дөрвөн осол, нислэгийн үеийн таван гэмтэл бүртгэгдэж байжээ. Энэхүү загварын хамгийн залуу нь 37, хамгийн хуучин нь 52 жилийн өмнө үйлдвэрлэгдэж байсан юм.
Эх сурвалж: Independent