Хуванцар хаягдал, хүлэмжийн хий зэргийг нарны эрчим хүчний тусламжтайгаар ногоон түлш болгох системийг бүтээснээ Кембрижийн их сургуулийн эрдэмтэд мэдээлжээ.
Хуванцар хаягдлыг боловсруулах нь тулгамдсан асуудал болоод байгаа. Хуванцар бүхнийг дахин боловсруулах боломжгүйн дээр боловсруулах шат дамжлага бүрд чанар нь мууддаг.
Тэгвэл Кембрижийн их сургуулийн эрдэмтэд зөвхөн нарны энерги ашиглан хуванцарыг ашигтай химийн бодис болгох систем бүтээжээ. Тэд хоорондоо нэмэлт болсон хоёр хэсгээс бүрэлдсэн урвалын тогоо бүтээсэн байна. Нэг нь хуванцарых нөгөө нь дэлхийн дулаарлын гол буруутан нүүрс хүчлийн хийнд зориулагджээ. Гэрэл уусгагчаар перовскит гэх кальцийн титанитийн эрдэс бодисыг ашиглан тэдгээрийг задлах юм. Урвалын тогооны ердийн нөхцлийн туршилт нь ундааны сав, нүүрстөрөгч хоёрыг гликолийн гэх хүнсний хүчилд хувиргана. Хийн синтезээс(CO+H2) нь ногоон түлш бэлтгэж болох аж. Ирээдүйд урвал өдөөгчийг ашиглан илүү ээдрээтэй бодис бэлтгэж болно гэж эрдэмтэд үзэж байна.
