Сицилийн мафийн хамгийн хүчирхэг толгойлогчдын нэг, 30 жилийн турш эрэн сурвалжлагдаж байсан Маттео Мессина Денаро Италид баривчлагджээ.
Денаро Сицилийн нийслэл Палермо хотын нэгэн хувийн эмнэлэгт саатуулагджээ. Түүнийг Италийн алдарт "Коса Ностра" мафийн толгойлогч гэж үзэж байна.
Италийн хэвлэлд бичсэнээр хүчний байгууллагынхан түүнийг баривчилж, үл мэдэгдэх чиглэлд авч явсан байна. Баривчлах ажиллагаанд 100 орчим цэрэг оролцсон байна.
Маттео Денарог хэд хэдэн хүн амины хэрэгт буруутай гэж 1992 онд Италийн шүүх түүнд бүх насаар нь хорих ялыг эчнээ оноосон юм.
Тодруулбал, тэрбээр 1992 онд мафийн гэмт хэргийг шалгаж байсан Италийн домогт мөрдөн байцаагч Жованни Фалконе, Паоло Борселлино нар болон тэднийг хамгаалж байсан найман цагдаа нарын аллагад оролцсон хэргээр ял сонсчээ. Үүнээс гадна тэрбээр Милан, Флоренс, Ром хотод болсон дэлбэрэлт, мөн прокурорын гэрчээр оролцсон мафийн гишүүн асаны 11 настай хүүг хулгайлж, тамлан хөнөөсөн хэргээр ял оноосон юм.
Эх сурвалж: Toim.mn
