Монгол Улсын номер нэг хүнсний манлай үйлдвэр болох “Талх Чихэр” ХК хүнсний аюулгүй байдлын удирдлагын стандарт болох ISO 22000 салбартаа анх удаа нэвтрүүллээ.
Энэхүү стандарт нь 2005 оноос анх дэлхийн зах зээлд хэрэгжиж эхэлсэн ба өдгөө дэлхий дахинд 200 гаруй улс нэтврүүлээд байгаа стандарт юм. “Талх Чихэр” ХК-ийн ерөнхий менежер С.Тамираагаар ахлуулсан 13 хүний бүрэлдэхүүнтэй баг хамт олон 15 сарын турш судалж хамтран ажилсны үр дүнд амжилттай хэрэгжиж өнөөдөр буюу 05 сарын 02 ны өдөр албан ёсоор тус ISO 22000-ийн батламж гардан авсан ба батламж гардуулах ёслолын арга хэмжээ амжилттай зохион байгуулагдаж, хэрэглэгчидрүү чиглэсэн томоохон хөрөнгө оруулалтыг хийлээ.
ISO 22000 нь хүнсний үйлдвэрийн хэлхээнд оролцож байгаа буюу түүхий эдийн бэлтгэн нийлүүлэлтээс эхлэн хүнс үйлдвэрлэх, тээвэрлэх ба хадгалах үйл ажиллагааг хэрэгжүүлэгч болон хавсран гүйцэтгэгчдийг дамжин жижиглэн худалдаалах болон хүнсний үйлчилгээ үзүүлэх зэрэг эцсийн дамжлага хүртэлх өргөн хүрээг хамарсан байдаг.
Талх чихэр ХК нь талх гурилан бүтээгдэхүүний 60 гаруй хувийг хангадаг ба ISO стандартыг нэвтрүүлж буй зорилго нь хэрэглэгчид ямар нэгэн эрсдэлгүй, чанартай, найдвартай, бүтээгдэхүүн хэрэглэж, сэтгэл хангалуун үйлчлүүлэх юм байна. Талх чихэр ХК нь 100 гариу төрлийн түүхий эдийг бэлтгэн нийлүүлэгчээс авдаг бөгөөд энэхүү стандартыг дагаад бэлтгэн нийлүүлэгчид мөн чанаржиж тэдгээрт хяналт шаардлага тавин ажиллах бүрэн боломж нээгдэж байгаа аж.
Дан ганц гурилан бүтээгдэхүүн бус Бялууны шинэ үйлдвэрийг ХАССП зарчимыг мөрдөн барьж байгаа бөгөөд амархан муудах эрсдэлтэй учир хамгийн сүүлийн үеийн тоног төхөөрөмж чанарын өндөр түвшинд хийж гүйцэтгэхээр ажиллаж байгаа юм.
Талх чихэр ХК нь анх Талх Чихрийн комбинат нэртэйгээр 1984 онд ашиглалтанд орж байсан ба 1999 онд хувьчлагдан “Талх Чихэр ХК”- болжээ.Тус компани өдгөө 700 гариу ажиллагсадтай 60 гаруй нэр төрлийн талх, нарийн боов, бялуу, чихрийн үйлдвэрлэлээр үйл ажиллагаа явуулж буй Монгол Улсын тэргүүлэгч, ууган хүнсний үйлдвэр болтлоо өргөжин хөгжжээ.
“Талх Чихэр” ХК нь 2004 оноос инновацийн бодлогыг амжилттай хэрэгжүүлж, хамгийг сүүлийн үеийн дэвшилтэт техник, технологийг цаг алдалгүй нэвтрүүлж, чанарын шаардлага хангасан бүтээгдэхүүнээр үйлчилж байгаа юм.
Мөн нийслэлийн 9 дүүрэг төдийгүй хөдөө орон нутагт шууд түгээлт хийн хэрэглэгчдэд хүрч ажиллаж байгаа хамт олон билээ. Ямартай ч “Талх Чихэр” ХК нь ISO 22000 стандартыг нэвтрүүлснээрээ хэрэглэгчдэд хамгийн гол нь чанарын өндөр түвшинд үйлдвэрлэгдсэн бүтээгдэхүүнээр үйлчилэх бас нэгэн том алхам болж чадаж байгаа юм.
Эх сурвалж Шуурхай.мн
