fbpx ОУВС дэлхийн эдийн засгийн өсөлтийн төсөөллөө ахиулжээ
 
Энэ мэдээ хуучирсан буюу 2023/02/01-нд нийтлэгдсэн мэдээ болно.
Ангилал
Дэлхий дахинд
Огноо
Унших
2 минут 18 секунд

ОУВС дэлхийн эдийн засгийн өсөлтийн төсөөллөө ахиулжээ

ВАШИНГТОН. /Anadolu/. Олон улсын валютын сан /ОУВС/ дэлхийн эдийн засгийн өсөлтийн 2023 оны төсөөллөө ахиулсан ч өсөлт 2024 онд эргэн сэргэхээсээ өмнө энэ онд саарна гэж таамаглаж байна.

ОУВС-гийн тайланд дурдсанаар, дэлхийн дотоодын нийт бүтээгдэхүүний өсөлт Орос-Украины дайн үргэлжилж, инфляц өндөр байгаагийн улмаас сул хэвээр байх төлөвтэй байна.

Дэлхийн эдийн засаг 2023 онд 2.9 хувиар өсөх төлөвтэй байгаа нь ОУВС-гийн өнгөрсөн 10 дугаар сарын төсөөллөөс /2.7 хувь/ ахисан үзүүлэлт боловч 3.4 хувиар өснө гэж 2022 онд таамаглаж байсантай харьцуулахад нэлээд буурчээ. ОУВС 2024 онд дэлхийн эдийн засаг 3.1 хувиар өснө гэж таамаглаж байна. Хөгжингүй орнуудын эдийн засгийн хувьд өсөлт нь үлэмж хэмжээгээр саарч, 2022 онд 2.7 хувьд хүрнэ гэж таамаглаж байсан үзүүлэлт 2023 онд 1.2 хувьд, 2024 онд 1.4 хувьд хүрэх төлөвтэй байна.

Тухайлбал, АНУ-ын ДНБ-ий өсөлт 2023 онд 1.4 хувь, 2024 онд 1 хувьтай гарна гэсэн урьдчилсан таамаглал гарчээ. Харин Их Британийн эдийн засаг 2023 онд 0.6 хувиар агшсаныхаа дараа 2024 онд 0.9 хувиар өсөх төлөвтэй байна гэж тайланд дурдсан байна.

Хөгжиж буй орнуудын эдийн засгийн өсөлтийн төсөөллийг авч үзвэл, 2023 онд 4 хувь, 2024 онд 4.2 хувьтай гарна гэж таамаглажээ. Өнгөрсөн онд 2.2 хувиар агшсан Оросын эдийн засаг энэ онд 0.3 хувиар, ирэх онд 2.2 хувийн өсөлт үзүүлэх төлөвтэй байна. ОУВС 10 дугаар сарын тайландаа, хөгжингүй орнуудын эдийн засаг 1.1 хувиар, хөгжиж буй орнуудын эдийн засаг 3.7 хувиар тэлнэ хэмээн таамаглаж байсан юм.

Э.Хулан

Эх сурвалж: "Монцамэ" агентлаг

Хоёрдугаар сард болох үндэсний бөхийн барилдааны хуваарь
Хоёрдугаар сард болох үндэсний бөхийн барилдааны хуваарь
 
УИХ-ын гишүүн Д.Бат-Эрдэнэ “бүрэн эрхээс нь түдгэлзүүлэх“ прокурорын саналыг дэмжүүлэхгүйн тулд гишүүдэд тэрбум төгрөг тарааж байж магадгүй байна
УИХ-ын гишүүн Д.Бат-Эрдэнэ “бүрэн эрхээс нь түдгэлзүүлэх“ прокурорын саналыг дэмжүүлэхгүйн тулд гишүүдэд тэрбум төгрөг тарааж байж магадгүй байна
Энэ мэдээ хуучирсан буюу 2023/02/01-нд нийтлэгдсэн мэдээ болно.

Шинэ мэдээ

 
 
 
Д.Мөнх-Эрдэнэд холбогдох эрүүгийн хэргийн шүүх хурал хойшилжээ
Нийслэлийн прокурорын газраас шүүгдэгч Д.Мөнх-Эрдэнэ нарт Эрүүгийн хуулийн тусгай ангийн 22.5 дугаар зүйлийн 1 дэх хэсэг, 22.4 дүгээр зүйлийн 4 дэх хэсэг, 22.1 дүгээр зүйлийн 2 дахь хэсэг, 13.14