ХЗДХ-ийн сайд Ц.Нямдорж дөнгөж сая Тагнуулын Ерөнхий газарт байцаалт өглөө. Ямар асуудлаар байцаалт өгсөн, мөн УИХ-ын гишүүн дархан эрхтэй байтал байцаалт мэдүүлэг авсан асуудлаар албаны эх сурвалжаас тодруулахад "Хуулиараа байцаалт авах эрхтэй. Цагдан хорих, хэрэг үүсгэх эсэх асуудал яригдсан тохиолдолд л УИХ-ын гишүүний халдашгүй дархан эрхийн асуудал яригдана. Түүнээс байцаалт, мэдүүлэг авах эрх бол нээлттэй" гэлээ.
Түүнийг сэтгүүлчдийг тагнасан, чагнасан эсэх асуудлаар нь дуудаж байцаалт авчээ. Тодруулбал, ХЗДХ-ийн сайд Ц.Нямдоржийг есөн сэтгүүлчийг тагнасан, чагнасан гэх хэрэгт буруутгаж буй. Харин уг хэрэгт цагдаа нарыг яллагдагчаар татсан хэмээн Нийслэлийн Прокурорын газраас мэдээлсэн билээ.
Энэ талаар бид эргэн мэдээлэх болно.
