Бяцхан хүүхдүүдийн хамгийн хайртай хүүхэлдэйн баатар Пороро ба түүний найзууд “Цирк”-д төрсөн өдрийн баяраа тэмдэглэхээр болжээ. Пороро маань 06-р сарын 01-ний өдөр төржээ. Энэ өдөр Пэти, Пүби, Эдди, Крон, Рүпи нар Порород гэнэтийн бэлэг барихаар тохирчээ. Гэтэл удаан хүлээсэн өдрөөрөө Пороро хэний ч төсөөлөөгүй олон адал явдалтай учирна. Адал явдал дүүрэн өдрийн гайхамшиг нь юу байх болоо? Хүүхдүүдээ гайхамшгийн нууцыг хамтдаа хайцгаая.
“Green show production” нь Эх үрсийн баярыг тохиолдуулан хүүхэд багачууддаа зориулан БНСУ-ын “ICONIX” компаний “Пороро” хүүхэлдэйн киног албан ёсны онцгой эрхтэйгээр “ПОРОРОГИЙН ТӨРСӨН ӨДӨР” хүүхдийн жүжиг болгон тайзнаа тавих гэж байна. Уг жүжиг 06-р сарын 1-ний өдөр АСА цирк-д 12:00, 15:00 цагуудад хоёрхон удаа тоглогдоно.
“ПОРОРОГИЙН ТӨРСӨН ӨДӨР” хүүхдийн жүжигт “MSC” media, Намуун студи, “Неон шоу” ХХК хамтран ажиллана. Тоглолтын онцлог нь мэргэжлийн жүжигчид дүр бүтээхээс гадна жүжгийн дүрүүдийн хоолойг Пороро хүүхэлдэйн киноны мэргэжлийн дуу оруулагчид оруулна. Эх үрсийн баярыг тохиолдуулан, Поророгийн төрсөн өдөрт ирсэн хүүхэд бүрт Поророгийн найзууд бэлэг бэлджээ.
Поророгийн дуунд дуртай, Поророгийн баатруудад хайртай үзэгч хүүхдүүдийгээ Пороро болон түүний найзуудтай нэгэн өдрийг дурсамж дүүрэн хөгжилтэй өнгөрүүлэхийг урьж байна.
