Сүүлийн 12 сарын байдлаар Мексик улс 20 жилийн хугацаанд анх удаа АНУ-д гаргасан импортын хэмжээгээр Хятад улсыг гүйцсэн тухай Bank of America мэдээлжээ.
Энэ нь Вашингтон-Бээжингийн хооронд үргэлжилж буй эдийн засгийн сөргөлдөөний нэг үр дүн юм.
Сүүлийн жилүүдэд АНУ-ын компаниуд бэлтгэн нийлүүлэлтийн сүлжээ, үйлдвэрлэлээ Хятад улсаас өөр улс орнууд руу шилжүүлж, хамаарлаа багасгах арга хэмжээ авч эхэлсэн.
Өнгөрсөн зун л гэхэд технологийн томоохон үйлдвэрлэгч HP компани зөөврийн компьютерын үйлдвэрээ Хятадаас Тайланд, Мексик улсууд руу нүүлгэх шийдвэрээ зарласан билээ.
Ихэнх бүтээгдэхүүнээ Хятадад үйлдвэрлүүлдэг Apple компани хүртэл бэлтгэн нийлүүлэлтийн сүлжээгээ Азийн бусад улс орнууд руу шилжүүлж эхлээд байгаа.
Энэхүү шилжилт хөдөлгөөнөөс ашиг хүртэж буй нэг улс нь Мексик юм.
Сүүлийн арав орчим жилийн хугацаанд АНУ-ын автомашин үйлдвэрлэгчид зардлаа бууруулах зорилгоор үйлдвэрлэлээ Мексикт шилжүүлэх болсон нь үүнд бас нөлөөлж байна.
Тухайлбал Ford, General Motors, Chrysler, Kia Motors, Volkswagen, Nissan, Mercedes-Benz зэрэг компаниуд бүгд АНУ дахь үйлдвэрүүдээ Мексикт шилжүүлсэн юм.
Америкийн компаниудын Хятадаас үргэх болсон нь тус улс Тайвань руу халдан довтолж, өнөөдрийн Украины хямралтай ижил нөхцөл байдал үүсэхээс болгоомжилсонтой холбоотой гэж ажиглагчид үзэж байна.
Эх сурвалж: Business Insider
