Пребиотикууд нь бие махбодид маш чухал ач холбогдолтой бөгөөд дархлааг бэхжүүлж, аюултай өвчин тусах эрсдлийг бууруулдаг. Энэ талаар эмч, хоол тэжээлийн мэргэжилтэн Наталья Зубарева ярьжээ.
“Пребиотикуудаас гадна гэдэсний үйл ажиллагааг сэргээх бусад бодисууд байдаг- пробиотик ба синбиотикууд. Пробиотикууд ихэвчлэн алдартай байдаг - бид эдгээр бичил биетүүдийг лактобацилли ба бифидобактери гэж мэддэг бөгөөд энэ нь дархлааны системийг бэхжүүлж, гэдэсний үйл ажиллагааг сайжруулж, антибиотик хэрэглэсний дараа эдгэрэхэд тусалдаг. Тэд эмгэг төрүүлэгч бактерийн өсөлтийг дарангуйлж, зогсоодог" гэж тэр тайлбарлав.
Синбиотикууд нь эмчийн үзэж байгаагаар пребиотик ба пробиотикуудын нэгдэл бөгөөд тэдгээр нь бие биенийхээ үйл ажиллагааг харилцан сайжруулж, нөхдөг. Дашрамд хэлэхэд, пребиотик ба пробиотикийн шинж чанарыг хослуулсан өвөрмөц, хүртээмжтэй бүтээгдэхүүн бол даршилсан байцаа юм.

"Пребиотикууд нь органик нийлмэл нүүрс ус бүхий хүнсний нэгдлүүд бөгөөд хоол боловсруулахад ихээхэн ач холбогдолтой эслэг юм. Энэ нь гэдэс доторх ашигтай нэгдлүүд, ялангуяа бифидобактери ба лактобациллийг тэжээх эх үүсвэр бөгөөд микробиомын төлөв байдал, хүний эрүүл мэнд, сайн сайхан байдалд эерэг нөлөө үзүүлдэг. Пребиотикууд нь дархлааг бэхжүүлж, гэдэсний хамгаалалтын үйл ажиллагааг сайжруулж, хорт бодисоос цэвэрлэж, ходоод гэдэсний замын үйл ажиллагааг хэвийн болгодог. Тэдний үр нөлөөний ачаар зүрх судасны эмгэг, таргалалт, чихрийн шижин, хорт хавдар үүсэх эрсдэл буурдаг" гэж шинжээч хэлэв.
Н.Зубарева пребиотикууд нь нийтлэг бөгөөд хүртээмжтэй хүнсний бүтээгдэхүүнд их хэмжээгээр агуулагддаг болохыг онцлон тэмдэглэв. Хивэг, бүхэл үрийн буудай, хүнсний ногоо, ялангуяа аспарагус, сармис, сонгино, жимс жимсгэнэ, банана, цикорий зэрэгт анхаарлаа хандуулахыг зөвлөж байна.

З.Батцэцэг

Эх сурвалж: "Зууны мэдээ" сонин