Хотоор дүүрэн шахуу газар, барилгатай Оюуны Ундраагийн С.Амарсайханы шунал Зайсан толгойгоор дуусав уу гэтэл бас л тэр ханасангүй. Тэрээр Дархан цаазат богд хан ууланд мөн л томоохон газар авсан байж магадгүй тухай яригдах болов.
Зах замбараагүй байшин барилгуудаас болж урсгал нь татарч ширгэж, амь тавих шахам аврал эрэн урсаж буй Хатан Туул голын ай савд бас нэгэн хэл ам таталсан тансаг хаусууд эрчимтэй баригдаж эхэлсэн нь мөн л С.Амарсайханых бололтой. Хотын хурлын даргын эрх мэдлээ хувийн шуналаа хангах хэрэгсэл болгож байна уу гэж хардахаас аргагүй байдалд хүрэв. Туул голыг ширгээх гол үндэслэл болж буй үйлдвэрүүдийн дунд мөн л түүний нэрээр овоглох бетон зуурмагийн үйлдвэр байдаг тухай мэдээлэллийг хүмүүс олон нийтийн сүлжээгээр бичиж байна. Хэрвээ энэ үнэн бол байгаль орчин, түүх дурсгалын газруудыг золиосолж бизнес эрхлэгч хүн хот удирдаж байгаа нь бидний эмгэнэл гэлтэй.
Ийм үйлдэлтэй эвлэрээд барахгүй түүнийг хотынхоо сэнтийд залчихдаг нийслэлийн 45 төлөөлөгчид маань "Оюуны Ундраа"-гийнханд худалдагсан уу эсвэл барьцаалагдсан уу? Түүнийг ИТХ-ын дарга болгосон төлөөлөгчид итгэл хүлээлгэн сонгосон иргэд дээрээ очих нүүртэй болов уу?
Хатан Туул голын хөвөө, ай савд барилга байшин бариулахгүй гэсэн иргэдийн тэмцэл хүчин мөхөстөв
Хотын эрх мэдэлтнүүдийн шуналын золиосонд татарсаар байгаа Туул гол
Зайсан толгойн газрыг Оюуны Ундраагийнхан авсан...
Эх сурвалж: http://tatarnews.mn/
