Цахим мөрийтэй тоглоомонд мөнгөө алдсан нь хувь хүний өөрийн сонголт гээд хаяж болно.

Гэсэн хэдий ч үүнээс болж ямар их хор хөнөөл учраад байгааг талаар товч мэдээлэл хүргэе.

Цахим мөрийтэй, бооцоот тоглоомонд хэт их мөнгө алдсанаас болж өр зээлэнд орж, санхүүгийн хямралд орж байна.

Цахим мөрийтэй, бооцоот тоглоомонд донтогчид ихэсч хууль бусаар мөнгө олох, луйвар, хулгай, залилан хийх явдал ихэсч байна.

Цахим мөрийтэй, бооцоот тоглоомонд донтсон хүмүүсийн дунд стресс, сэтгэл гутрал, амиа хорлолт ихэсч байна. Хайртай бүхнээсээ хагацан, гэр бүлүүд зовлонд унаж байна.

Жил бүр гадагш хяналтгүй гарч буй 500 сая долларыг улсын эдийн засагт, хүн бүрийн ажил, амьдралд маш том сөрөг нөлөө үзүүлж байна.

Ард иргэдийн дунд ажил хийж орлого олох бус амар, хялбар аргаар мөнгө олох явдал ихэсч ажиллах хүчний бүтээмж буурч байна.

Цахим мөрийтэй, бооцоот тоглоом түмэн олны аз жаргал, босгосон амьдралыг сүйрүүлж байгааг Төр, Засаг зүгээр хараад суух нь утгагүй.

Та бидний мэдэх Хятад, Солонгос, Австрали зэрэг улсуудад ч цахим мөрийтэй, бооцоот тоглоомыг хязгаарласан байдаг.

Ази-Номхон далайн бүс нутгийн 46 улсын 21 нь цахим мөрийтэй болон бооцоот тоглоомыг хууль бус гэж тооцож, 7 нь хуулиар хүлээн зөвшөөрч, 6 нь хэсэгчилсэн байдлаар зохицуулсан байна. Үлдаэн 13 улс ямар ч зохицуулалтгүй байна.

Иймд цахим мөрийтэй тоглоомын эсрэг хуультай болж, зайлшгүй арга хэмжээ авч ажиллах цаг ирээд байна.

Тийм учраас холбогдох хуулийн төслийг УИХ-ын дарга Д.Амарбаясгаланд өргөн мэдүүлж нэн яаралтай горимоор хэлэлцүүлж өгөхийг хүсээд байна.

Хууль батлагдсанаар манай улсад цахим мөрийтэй тоглоомын платформууд хориглогдож, зар сурталчилгаа, агентуудын үйл ажиллагаа бүрмөсөн зогсоно.

Үүнийг дагаад тоглох залуусын тоо 65% хувиар буурч, гадагш хяналтгүй гарч буй 500 сая долларт санхүү, хуулийн байгууллагаас хяналт тавих боломж бүрдэх юм.

Энэ бүхний цаана ард түмний нулимс, зовлонгоор ашиг сонирхол нь хөндөгдсөн олон хүмүүс бухимдаж байгаа нь тодорхой.

Иргэн бүрийг энэ хуулийн төслийг дэмжиж, хамтран ажиллахыг хүсье.

#NoMoreBet