Preview
Дэлхийн банкны хөнгөлөлттэй зээлийн санхүүжилтээр хэрэгжиж буй Улаанбаатар хотын дулаан хангамжийн үр ашгийг нэмэгдүүлэх төслийн хүрээнд Нарлаг худалдааны төвийн зүүн талаас Бичил 6-р хороолол буюу 28-р сургуулийн баруун хойд тал хүртэл шинээр барих дулааны шугам, ДДТөв-ийн барилга угсралтын ажилтай “Улаанбаатар дулааны сүлжээ” ТӨХК-ийн Гүйцэтгэх захирал Ц.Амарсанаа газар дээр нь танилцлаа. 
Нарлаг худалдааны төвийн зүүн талаас Бичил 6-р хороолол буюу 28-р сургуулийн баруун хойд тал хүртэл шинээр барих дулааны шугам УДДТөв-ийн барилгын ажил 2Ф250/350 диаметр бүхий 500 метр урт шугамын ажлыг “Хэмжил зүй” ХХК гүйцэтгэгчээр ажиллаж байгаа бөгөөд 04 сарын 14-нөөс эхэлсэн бөгөөд 09 сарын 15-нд дуусгаж хүлээлгэн өгөхөөр ажиллаж байна. 
Уг шугамын ажил хийгдэж ашиглалтад орсноор БГД-ийн 9, 11-р хороонд төлөвлөгдсөн Бичил-VII хороолол орчмын дахин төлөвлөлтийн хэрэглээг хангах техникийн боломжийг бий болгох, гэр хорооллыг барилгажуулах агаар, орчны бохирдол буурч, иргэдийн амьдралын нөхцөл сайжирна.
