МЭНДЧИЛГЭЭ Эрхэм хүндэт ээжүүд, нийт ажилтан, албан хаагчдын хайртай бяцхан хүүхэд багачууддаа “Эх үрсийн баяр”-ын мэндийг өргөн дэвшүүлж мэндчилье. Өнөөдөр бол хүүхэд бүрийн хүсэн хүлээдэг баярын өдөр. Өнөөдөр Та бидний энд хуран цуглаж хүндэтгэл, баяр хөөр болж байгаагийн уг шалтгаан болсон хүүхэд багачууд минь бүгд эрүүл саруул, баяр хөөр дүүрэн өсөж, эрдэм номтой, эх орон, ард түмнээ хайрлах сэтгэлтэй иргэд болон төлөвшихийн өлзийтэй сайхан ерөөлийг 65 жилийн түүхтэй “Улаанбаатар дулааны сүлжээ” төрийн өмчит компанийнхаа нэрийн өмнөөс болон хувиасаа Та бүхэндээ өргөн дэвшүүлье ээ. Ээж хүн – энэрэл хайр, халамж, ухааны ундарга, гэр бүлийн тулгуур багана билээ. Ээж хүний үр хүүхдийнхээ төлөө цохилох зүрх, сэтгэлийн гэрэл гэгээ нь бидний нийгэм, хамт олны уур амьсгалыг дулаацуулж, улам хариуцлагатай, аюулгүй ажиллах урам, эрч хүчээр тэтгэж байдгийг та бид мэдэх билээ. Хүүхэд багачуудынхаа сайн сайхан ирээдүй, тав тухтай амьдралын төлөө цаг наргүй хичээн зүтгэж яваа “УБДС” ТӨХК-ийн ажилтан, албан хаагч аав ээжүүд, ах эгч нарынхаа үргэлжлэл болж, илүү сайхан ирээдүйг бүтээнэ гэдэгт итгэлтэй байна. Зорьсон зорилго, хүсэл мөрөөдлөө биелүүлэхийн төлөө, сурч мэдэхийг эрхэмлэн, үргэлж инээмсэглэн гялалзаж яваарай, Эх үрс элбэрэлтэй, Өрх гэр аз жаргалтай байх болтугай! ХҮНДЭТГЭСЭН: "УЛААНБААТАР ДУЛААНЫ СҮЛЖЭЭ" ТӨХК-ИЙН ГҮЙЦЭТГЭХ ЗАХИРАЛ ЦЭРЭНДОРЖИЙН АМАРСАНАА