Энэ нэг гөлөн царайлсан новшийг бид өлгийдөн авснаар өөрсдийгөө төдийгүй Монголын ардчиллыг булшлах чөтгөрийг оруулж ирснээ ойлгоогүй юм.

МАХН-ын дайчин туслагч, хамаг булайг хэрэгжүүлэгч МХЗЭ хэмээх залуучуудын байгууллагаар дамжин улс төрийн карьераа эхэлдэг ёс байлаа. Нэг ёсондоо МАХН-ын залуу халааг энэ л байгууллагаар дамжуулж, үнэнч эсэхийг нь шалгаж цааш цааш ахиулан дэвшүүлдэг байв даа.

Энэ шалгуурыг давсан цөөн залуучуудын нэг нь Гончигдорж, удаах нь Баярцогт байсан юм.

1990-ээд оны эхээр ардчилсан хүчнүүд ид шуугиулж байх үед МАХН-даа улс төр манлайллын аргыг эзэмшсэн Гончигдорж МСДН-д шургалж, өөрийгөө дэмжигч бүлгийг нам дотор бий болгож чадсан юм. Улс төрийн ямар ч туршлага, амбиц байхгүй сэхээтэн голдуу МСДН-ын даргын албыг тэр амархан эзэлж авсан. Тухайн үед мань хүн МХЗЭ битгий хэл МАХН-ын төв хороонд орохоор тодорхойлогдсон байсан. Ийм хүнийг урвуулан авчирсан гэж бид баярласан ч баярласан хэрээ бахирна гэдгийг үзсэн дээ.

Дараагийн алхам нь өөрийн намаас /МАХН/ шадар хүнээр МХЗЭ-гийн зүтгэлтэн Баярцогтыг намын дэд дарга болгон томилуулж, МСДН-ыг МАХН-ын эрхшээлд оруулах ажиллагааг эхэлсэн байдаг юм. Эхний ээлжинд МАХН-ыг дэлхийн агуу том байгууллага болох Социнтернд жинхэнэ гишүүн болгох ажлыг амжилттай хийв.

Энэ цаг зуур манай намын гишүүд Баярцогт болон Гончигдорж нар МАХН-тай үгсэн хуйвалдаж буйг эсэргүүцэн хоёуланг нь зайлуулахаар үзсэн ч Баярцогтыг зайлуулж, Гончигдоржийг ирэх сонгуулийн улмаас хэвээр үлдээсэн билээ.

Гэтэл мань Гончигдорж ирэх Ерөнхийлөгчийн сонгуульд өрсөлдөхийн тулд МСДН-ыгаа золиослосон юм даа.

Энэ бол дөнгөж эхлэл. Цаашлаад энэ хоёр хулгайч бидний ирээдүйг хэрхэн бохирдуулсан мянган баримт бий.

Ийнхүү бичих болсон шалтгаан нь гэвэл наад хүн чинь аав ээж, амраг садан, найз нөхөд, хамт олон тэр ч байтугай улс орноо ч золионд гаргаж мэдэх этгээд болохыг мэдэхийг хувьд сануулга болгож байгаа юм. Түүнд эх орон гэх ойлголт байхгүй, бүхнийг мөнгө захирна гэх л үзэлтэй хүн.

УИХ-ын гишүүн асан, МСДН-ын дарга А.Ганбаатар