Хичээлийн шинэ жил хаяанд тулаад байгаа энэ өдрүүдэд Анагаахын сургууль (АШУҮИС) хаалгаа барьж хэнийг ч нэвтрүүлэхгүй байна.
Учир нь Боловсрол соёл, шинжлэх ухаан, спортын сайдын тушаалын дагуу АШУҮИС-ийн захирал Г.Батбаатарыг Үндэсний аудитын газрын 2018 оны дөрөвдүгээр сарын 30-ны өдрийн 07\182 тоот албан шаардлагыг үндэслэн АШУҮИС-ын захирлын үүрэгт ажлаас нь долоодугаар сарын 10-ны өдрөөр чөлөөлж хөдөлмөрийн гэрээг дуусгавар болгожээ. Тус сургуулийн 2017 оны санхүүгийн тайланд Үндэсний Аудитын газраас хийсэн аудитын шалгалтын үеэр аудитын шалгалт хийсэн компаний аудитын дүгнэлтэд хөндлөнгөөс нөлөөлж хоёр өөр дүгнэлт гарсан нь аудитын явцад нотлогдож санхүүгийн ноцтой зөрчил илэрсэн нь ажлаас халах гол шалтгаан болсон байна. Ажлаас нь өөрчлөх сургаар өрхийн эмнэлгээс өвчтэй, акттай гэсэн эмчийн магадлагаа авч ажлаа өгөхгүй өнөөдрийг хүртэл төрийн ажлыг гацааж, цалгардуулснаар зогсохгүй бүр сургуулийн хаалгыг барихад хүрчээ. /Зураг 1. Swiiss kafe. Г.Батбаатар. 2018.07.23-ны 17.30 цаг/
Гэтэл нөгөө өвчтэй, ажлаа хүлээлгэж өгөх ёстой хүн өчигдөр буюу 2018 оны долоодугаар сарын 23-ны өдөр орой 18 цаг 15 минутад “Swiss coffee” кафед өөрийн гар хөл бологч АШУҮИС- ийн хангамжийн албаны дарга Батхуягийг дуудан нууц уулзалт хийж байсан нь тус сургуулийн хамт олны дуранд өртсөн нь энэ юм. Олон хоногийн турш тус сургуульд шинээр элсэн орсон оюутнууд сургуультайгаа танилцаж орох гэсэн боловч сургууль хаалттай гээд оруулаагүй бөгөөд сургууль руу орох гэсэн хүмүүсийг “Хангамжийн албаны дарга Батхуяг битгий оруул” гэсэн гээд гэрээт харуул хамгаалалтын албаныхан нэвтрүүлэхгүй байгаа аж. Мөн амралтаа аваагүй ажил үүргээ гүйцэтгэж байгаа эмч, багш нараа ажлыг нь хийлгэхгүй хөөж тууж байгаа талаар ярьж байна. Төрийн өмчийн их сургуулийг хувийнхаа сургууль гэж андуураад байгаа Анагаахын их сургуулийн экс захирал хэзээ ажлаа хүлээлгэж өгч төрийн ажлыг хийлгэхийг харах л үлдлээ.
Г.Батбаатар, Батхуягийн хамт 2018.07.23-ны 17,30 цаг
