Улаанбаатараас Сайншандыг чиглэж явсан галт тэрэг энэ сарын 12-ны үүрээр Дорноговь аймгийн Даланжаргалан, Хар айраг сумын хооронд осолдсон хэрэг гарсан. Ослын шалтгаан нь тус суманд хүчтэй аадар бороо орсны улмаас болсон гэж албаны хүмүүс мэдээлээд байгаа юм.
Улмаар ослын газарт төмөр замын албан хаагчид ажиллаж, хоёр загал зүтгүүр, ачааны вагон болон суудлын вагоныг богино хугацаанд холдуулж, эвдэрч, сүйдсэн замыг засч дууссан нь маш богино хугацаанд хийгдсэн ажил хэмээн Ерөнхийлөгч Х.Баттулга төмөр замчдыг үнэлжээ. Тиймээс энэ ажилд гар бие оролцсон зарим хүнд Төрийн шагнал гардуулахаар болжээ. Шагналыг өнөөдөр 11.40 цагаас Төрийн ордонд гардуулна.