Монголын тэргүүн баян 30 гэр бүлийн хоёр нь одоогоос хэдхэн хоногийн өмнө ураг барилджээ. УИХ-ын гишүүн Сү.Батболд МАК-ийн ерөнхийлөгч Н.Нямтайшир нарын хүүхдүүд болох Б.Баттүшиг, Н.Цэлмүүн нар олны нүднээс далдхан Төв аймгийн нутагт нижгэр хурим хийжээ.
Б.Баттүшиг АНУ-д боловсрол эзэмшсэн бөгөөд хаа холоос түүний харийн нөхөд олноороо ирж хуримд оролцсон бөгөөд олигархийн хүү ч Монгол үндэсний онцлогийг харуулсан ёслол төгөлдөр хурим хийсэн байна.
Нэгэн цагт "Бороо Гоулд"-ын алтыг гадагш нь гаргаж чамгүй баяжсан Сү.Батболд, Монголын томоохон алтны орд газруудын лицензийг эзэмшдэг Н.Нямтайшир нар өөрсдийн хөрөнгийг гарын салаагаар гадагш урсгахгүйн тулд үр хүүхдүүдээ хүчээр шахуу танилцуулж, суулгасан гэх яриа ч бий. Ямартай ч залуу хосууд Италид бал сараа тэмдэглэхээр явахад нь бэл бэнчинтэй 20 орчим найз нөхөд нь дагалдсан гэнэ шүү.
Эх сурвалж www.wikimon.mn
