УИХ-ын гишүүн А.Ундраагийн гадаад дахь томилолтын зардлыг МУИС-иас гаргасан гэх асуудал нэг хэсэгтээ шуугиан тарьж шүүмжлэл дагуулсан.
Энэ мэдээлэлд дээрх сургуулиас тайлбар хийж “Нэр бүхий УИХ-ын гишүүн өөрөө физикч хүн юм билээ. Тэгээд физикийн ангийн 20 орчим оюутны сургалтын төлбөрийг ивээн тэтгэсэн юм. Томилолтоор явсан ажил нь манай сургуулийн холбогдолтой ажил байсан болохоор онгоцны тийзнийх нь мөнгийг гаргасан” гэж хэлсэн юм.
Харин энэ асуудалд гишүүн ямар нэгэн тайлбар хийгээгүй байсан бол өчигдөр ам нээжээ.
Тэрбээр “МУИС-иас зардал гаргаж байгаагүй мэдээгүй. Яг ийм чиглэлээр өөр гишүүд явж ирсэн эсэхийг ч мэдэхгүй байна. Төрийн байгууллагаас гишүүдийн зардлыг хариуцах тохиолдол байдаг. Зардал хаанаас гарч байна вэ гэдэг нь маш чухал. Гишүүд хувийн компанийн зардлаар яваад тухайн компанийн өмнөөс ажиллах нь хуулиар хориотой.
Биеэ эмчлүүлэх зэрэг хувийн зорилгоор явж байгаа тохиолдолд зардлаа өөрөө гаргах нь мэдээж. Түүнээс биш төрийн ажилд хувийн зардал гаргаж явах нь зохисгүй. Төрийн хүн төрийн ажлаа л хийх ёстой” гэв.
http://olloo.mn/n/56939.html
