Үндэсний бахархлын өдрөөр “Чингис хаан” одон гардуулдаг билээ. Тэгвэл энэ жил одонг өнжихөөр шийдвэрлээд байна. Энэ талаар Ерөнхийлөгчийн Тамгын газрын дарга З.Энхболд “Чингис хаан одонг гардуулна уу хэмээн төрийн бус байгууллага болон иргэдээс санал ирүүлдэг. Энэ жилийн хувьд 5-6 хүний материалыг ирүүлсэн байсан. Гэхдээ энэ дунд өмнөх жилүүдийн Чингис хаан одонгийн эздийн шалгуур хэмжээнд хүрэхээр нэр дэвшигч байгаагүй учраас энэ жил Чингис хаан одонг гардуулахгүй гэж үзсэн. Ер нь бол энэ шагналыг заавал хэн нэгэнд олгох ёстой гэсэн зүйл байхгүй, шалгуурт тэнцсэн хүн байх ёстой” гэжээ.