Олон нийтийн сүлжээгээр УИХ-ын гишүүн Ж.Мөнхбатыг 3 тэрбум төгрөгөөр байр худалдаж авсан гэсэн мэдээлэл цацагдаад байгаа.
Энэ талаар Ж.Мөнхбат хэвлэлийнхэнд хандаж мэдээлэл хийлээ.
Тэрээр “ Энэ мэдээлэл нэр ус нь тодорхоогүй хаягнаас нийтэд цацагдсан байсан. Энэ мэдээллийг зорилго бүхий хүмүүс мөнгө төлж давалгаа үүсгэж, миний нэр хүнд унагах зорилгоор хийгдэж байгаа гэж харж байна. Миний бие СБД-ийн нэгдүгээр хороо олимпийн гудамжны 16-р байрны 501 тоот байрыг худалдаж авсан нь үнэн. Одоо энэ байранд гэр бүлийнхэн минь амьдарч байгаа. Гэхдээ сошиалаар яваад байгаа шигээ гурван тэрбум төгрөгийн үнэтэй бишээ. Энэ байрыг хууль ёсны дагуу худалдаж авсан.
Намайг хулгай хийчихсэн юм шиг ойлголтыг нийгэмд төрүүлэхийг оролдож байгаа хүмүүсийг энэ үйл ажиллагаагаа зогсоохыг шаардаж байна. Хэрвээ зогсоохгүй бол нэрсийг нь ил зарлах болно гэдгээ” мэдэгдэв.
Мөн тэрээр "өөрийг нь харлуулах гэж оролдож буй хүмүүс нь ЖДҮХСангийн зээлийн асуудалтай холбогдсон гишүүд байгаа болохыг мэдэж байгаа" гэв.
