Үндэсний статистикийн хороо (ҮСХ) нь Азийн Хөгжлийн Банк (АХБ)-ны техникийн туслалцаатайгаар “ТХЗ-уудын хэрэгжилтийн явцад хийх хяналт шинжилгээнд мэдээллийн өргөтгөсөн эх үүсвэрийг өргөнөөр ашиглах нь” TA 9542-MON төслийг хэрэгжүүлэх гэж байгаа болно.

Уг төслийг эхлүүлэх ажлын хүрээнд Үндэсний статистикийн хорооны дарга А.Ариунзаяа АХБ-ны Монгол дахь суурин төлөөлөгчийн газрын ахлах эдийн засагч Деклан Магий, үйл ажиллагаа хариуцан ахлах Б.Халиун, төслийн багийн ахлах зөвлөхөөр ажиллахаар болсон Андрю Ж Флатт, төслийн зохицуулагч Г.Энхтүвшин нар уулзаж танилцлаа.

Уулзалтаар ҮСХ-ын дарга байгууллагынхаа талаар товч танилцуулж, АХБ-тай амжилттай хамтран ажиллаж ирснийг дурдав. АХБ-ны ахлах эдийн засагч мөн хоёр байгууллагын хамтын ажиллагааг амжилттай өргөжиж ирснийг дурдаад ТХЗ-ын хүрээнд хэрэгжих тус төслийг тэргүүлэн хэрэгжүүлэх гэж байгаад талархаад төслийн хүрээнд өөрийн баримтлах зарчмыг танилцуулсан.

Төслийн багийн зүгээс хийгдэх ажлуудыг товч танилцуулаад, энэхүү төслийг амжилттай хэрэгжүүлэхэд засгийн газрын болон төрийн байгууллагуудын хоорондын нягт хамтын ажиллагаа чухал болохыг онцлов.Төслийн багийн ахлах зөвлөхөөр ажиллахаар болсон Андрю Ж Флатт нь НҮБ-ын Африкийн эдийн засгийн комисс, АНУ-ын Үндэсний статистикийн газар, НҮБ-ын Ази, Номхон далайн орнуудын эдийн засаг, нийгмийн комисс статистикийн хэлтэст ажиллаж байсан туршлагатай бөгөөд Монгол Улсад 1984, 1992, 2002 онуудад ирж ажиллаж байсан байна.