Загвар өмсөгч С.Сарнайд гүйцэх авьяастай модель одоогоор гарч ирээгүй гэвэл нэг их дэгсдүүлсэн болохгүй биз ээ. С.Сарнайгийн хувьд “Play Boy” сэтгүүлд Монголын анхны ковер болон гарч байсан нэгэн. Өдгөө хэдийнэ олны танил болсон тэрбээр “Guys” хамтлагийн М.Мягмартай “Байна уу ээж ээ” дууг хамтран дуулсныхаа дараа “Яг түүн шиг шоу”-нд оролцож, дуулах бүжиглэх авьяасаа гайхуулсан. Үүнийхээ дараа “Галзуу зугаалга” кинонд тоглож, жүжигчний карьераа эхлүүлсэн бол сүүлд “Илд цэцэг” киноны дууг дуулсан юм. Хоёр дахь хүүхдээ төрүүлээд гэртээ байхдаа бизнесийн санаагаа гаргаж, эмэгтэйчүүдийн косметикийн сав хийж эхэлсэн гээд түүний хувьд тал бүрт хүчин зүтгэж яваа юм. Манайд олон модель байдаг ч С.Сарнай шиг тал бүрийн авьяастай нь цөөхөн л дөө.
Эх сурвалж http://www.info.mn
