fbpx Л.Энхамгалан: ЖДҮ-ийг хөгжүүлэх сангаас зээл авсан гишүүд Удирдах зөвлөлийн хуралд оролцож, санал өгөх, ёс суртахууны эрхгүй
 
Энэ мэдээ хуучирсан буюу 2018/11/27-нд нийтлэгдсэн мэдээ болно.
Ангилал
Улс төр
Огноо
Унших
3 минут 51 секунд

Л.Энхамгалан: ЖДҮ-ийг хөгжүүлэх сангаас зээл авсан гишүүд Удирдах зөвлөлийн хуралд оролцож, санал өгөх, ёс суртахууны эрхгүй

УИХ-ын гишүүн С.Бямбацогт, Л.Энх-Амгалан нар дөнгөж сая нэр бүхий 10 гишүүн МАН-ын УЗ-д шаардлага хүргүүлсэн талаараа мэдээлэл хийлээ. Тодруулбал, тэд Удирдах зөвлөлийн дарга, МАН-ын ерөнхий нарийн бичгийн дарга Д.Амарбаясгалан, МАН-ын нарийн бичгийн дарга Ц.Бат-Энх, УИХ-ын гишүүн Я.Содбаатар, Д.Солтан, М.Оюунчимэг, Ж.Энхбаяр нар ЖДҮ хөгжүүлэх сангаас хууль бусаар зээл авсан нь тогтоогдсон. Тиймээс тэд Удирдах зөвлөлийн хуралд оролцох, санал өгөх эрхгүй” гэв.

Тиймээс ашиг сонирхлын зөрчилтэй гишүүдийн асуудлаар хүргүүлсэн шаардлагын хариу Удирдах зөвлөлөөс хариу ирүүлтэд хуралд суухгүй гэдгээ илэрхийллээ. 

Энэ талаар УИХ-ын гишүүн Л.Энх-Амгалан, "МАН-ын Удирдах зөвлөл 29 гишүүнтэй.  МАН-ын Удирдах зөвлөлийн гишүүн, МАН-ын Ерөнхий нарийн бичгийн дарга Д.Амарбаясгалан, нарийн бичгийн дарга Ц.Бат-Энх, УИХ-ын гишүүн Ж.Энхбаяр, Г.Солтан, М.Оюунчимэг, Я.Содбаатар нар ЖДҮ-ийг хөгжүүлэх сангаас зээл авсан нь тогтоогдож байгаа. Хууль бусаар ЖДҮ-ийг хөгжүүлэх сангаас зээл авсан гишүүд Удирдах зөвлөлийн хуралд оролцож, санал өгөх, ёс суртахууны эрхгүй гэсэн шаардлага хүргүүлнэ. Бид шаардлагынхаа хариуг авсан тохиолдод хуралд оролцоно" гэв.

Харин УИХ-ын гишүүн С.Бямбацогт, "МАН-ын Удирдах зөвлөл 29 гишүүнтэй. Одоо 13 гишүүнтэй хуралдаж байна. Удирдах зөвлөлийн нэр бүхий 6 гишүүн ЖДҮ-ийг хөгжүүлэх сангаас хууль бусаар зээл авсан нь тогтоосон. Тиймээс бид дээрх гишүүд УЗ-ийн хуралд оролцох ёсгүй гэж үзэж байгаа " гэлээ. 

Тэд мэдээлэл хийх үеэрээ сэтгүүлчдийн сонирхсон асуултад хариулсан юм.

-10 гишүүн шаардлага хүргүүлсэн гэлээ. Хэн хэн байгаа вэ?

-С.Бямбацогт: УИХ-ын гишүүн Л.Энх-Амгалан, С.Бямбацогт, Ж.Мөнхбат, Г.Мөнхцэцэг, Д.Оюунхорол, О.Содбилэг, Д.Хаянхярваа, Ц.Цогзолмаа, Ж.Эрдэнэбат нарын 10 гишүүн шаардлага хүргүүлсэн байгаа.

-Та нар Удирдах зөвлөлийнхөө хуралд суугаад асуудлаа ярьж болдоггүй юм уу?

-С.Бямбацогт: Бид аль болох зөвшилцөж асуудлыг шийдэх ёстой. Харамсалтай нь үл ойлголцол үүсчихсэн, үйл ойлголцол нь үзэн ядалт болчихоод явж байна. Сүүлийн үед хуралдаануудын ирц хүрдэггүй байдалтай байна. Ийм байдлаар үр дүн гарахгүй. УИХ-ын гишүүд улс орны эрх ашгийг өмнөө тавьж байж үр дүн гарна. Удирдах зөвлөлөөс УИХ дахь бүлэгт үүрэг өгдөг. Гэхдээ сүүлийн жишээ авахад Ж.Эрдэнэбатын Засгийн газартай холбоотой шийдвэр нь зөрчигдөж байсан. Тийм болохоор бид Удирдах зөвлөлийн шийдвэрийг цаашдаа хэрхэх асуудлаа ярилцах ёстой.

-Л.Энх-Амгалан гишүүний хамаарал бүхий “Эм Си Эс”, С.Бямбацогт гишүүний хамаарал бүхий “Нью прогресс” компаниуд хөгжлийн банкнаас зээл авч байсан. Та бүхэн зээлээ төлсөн үү?

-С.Бямбацогт: Энэ бол өмнөх Засгийн газрын үед гарч байсан асуудал. Монгол Улсыг хөгжүүлэхэд шаардлагатай дэд бүтцийн ажлуудыг тодорхой гэрээний үндсэн дээр хийж, хийсэн ажлынхаа санхүүжилтыг авсан. Бусдаар  бол нэг ч төгрөгийн зээл аваагүй. Энэ бол зориуд хийсэн улс төр.

-Л.Энх-Амгалан: “Эм Си Эс” миний хамаарал бүхий компани биш. Яагаад гэвэл би маш жижиг хувьцаа эзэмшигч. Ер нь энэ компани Хөгжлийн банкнаас зээл аваагүй. Энэ бол нэр төрд халдаж байгаа бүдүүлэг үйлдэл.

Ү.АМАРБАТ: ХҮЛЭЭЛТ ҮҮСГЭСЭН ХУУЛЬ ХҮСЭЭГҮЙ ҮР ДҮНД ХҮРГЭЖ МАГАДГҮЙ БАЙНА
Ү.АМАРБАТ: ХҮЛЭЭЛТ ҮҮСГЭСЭН ХУУЛЬ ХҮСЭЭГҮЙ ҮР ДҮНД ХҮРГЭЖ МАГАДГҮЙ БАЙНА
 
Эрдэнэбүрэнгийн УЦС-ын нөлөөллийн бүсэд буй иргэн бүрд 15.2 сая төгрөг олгоно
Эрдэнэбүрэнгийн УЦС-ын нөлөөллийн бүсэд буй иргэн бүрд 15.2 сая төгрөг олгоно
Энэ мэдээ хуучирсан буюу 2018/11/27-нд нийтлэгдсэн мэдээ болно.

Шинэ мэдээ