“Цагаан суварга” бол 240 сая тонн хүдэр, 1,8 сая тонн зэсийн нөөцтэй. Маш их баялаг. Үүнийг ганцхан айл эзэмшиж байна. Иймээс Ерөнхий сайд У.Хүрэлсүх Н.Номтойбаяр гишүүнд хандан "МАК компани гэхэд 36 лиценз эзэмшдэг. “Цагаан суварга” бол танай гэр бүлийн өмч биш монголын ард түмний өмч. Хууль бус гэж би ойлгож байгаа. Нэг гэр бүл 36 лиценз эзэмшихгүй. “Цагаан суврага”-ын ордыг ард түмэнд буцаагаад өг” хэмээн мэдэгдсэн. 

Иймээс ирэх жилүүдэд энэ орд ард түмнийг болох уу, МАК дангаараа эзэмших үү гэдгийг харах үлдэж байна. Ерөнхий сайд байр сууриа маш товч тодорхой илэрхийлсэн. Харин энэ мэдэгдэл Б.Нямтайширын гэр бүлийг сандаргаж байгаа бололтой. Өнөөдөр “Өдрийн сонин”-нд Б.Нямтайшир энэ тухай яаран тайлбар өгч. Тэр хүүгээ дэмжиж байгаагаа илэрхийлж, “Цагаан суварга”-ын ордыг төрд өгөхгүй гэдгээ хэлжээ. МАК хэмээн вант улс төрийн өмчийг өөрийн өмч мэт захиран зарцуулж, эзэн суусан нь худлаа биш. Гэтэл үүнийгээ туслан гүйцэтгэгч ААН, мянга мянга ажилчдын хөлс хүч тэдний гэр бүлийн ажиллаж байгаа төсөл хэмээн зөвгтгөсөн байх юм. Гэхдээ Б.Нямтайшир та  Монголын гурван сая иргэний эзэмшилд байх ёстой нүсэр хөрөнгөн дээр эзэн сууж, захиран зарцуулж байгаагаа энд дурьдсангүй. 

Энэ ордыг эзэмшилдээ авахаар улайрч явахад чинь УИХ-ын гишүүн та бүхэнд хандан ““Цагаан суварга”-ын стратегийн ордоос Монголчууд бүгдээрээ хувь хишиг хүртэх ёстой. Бид ард түмэндээ шударга хандах ёстой. Энэ бол стратегийн орд. Монголын төрийг басамжилсан өнгө аястай хачирхалтай төсөл оруулж ирсэн. Номтойбаяр аа, миний дүү Цагаан суваргын ордын баялгийг чи ганцаараа, аавтайгаа идээд ч барахгүй” гэж байв.

Үнэхээр Б.Нямтайшир та хүүтэйгээ, ач зээтэйгээ идээд ч барахгүй ард түмний өмчийг авчихаад байгаагаа мартаж болохгүй. Иймээс ирэх өдрүүдэд ард түмэн хийгээд Монголын төр МАК хоёрын хэн нь хүчтэйг харах л үлдэж байна. 
 

П.ГОО
Оллоо.мн