Тиймээ. Кроне Браухаус ресторанаас зохион байгуулдаг Асуулт хариултын тэмцээний шинэ жилийн тусгай дугаар өнөөдөр болно. Уг тэмцээн нь 2017 оны 01 сарын 26-ны өдрөөс хойш амжилттай зохиогдож ирсэн бөгөөд салбар бүрийн манлайлагч залуусын цуглардаг Монголдоо хамгийн өндөр шагналын сантай тэмцээн болоод байна.
Өнөөдрийн тусгай дугаарын хувьд ресторанаас та бүхэндээ баярын хоол, хамтлаг дуучин, 600,000 төгрөг хүртэл үнийн дүн бүхий азын сугалаа зэргийг ивээн тэтгэгч байгууллагуудтайгаа хамтран бэлтгэсэн байна.
Мөн Уг дугаар нь энэ жилийн хамгийн сүүлчийн “Quiz” тул та бүхэн найз нөхөд, хамт олноо бүрдүүлэн ирж багаараа шинэ жилээ тэмдэглэн дахин нэг үдшийг хамтдаа хөгжилтэй өнгөрүүлцгээгээрэй.
Манай тэмцээн нь оролцохыг хүссэн хүн бүрт нээлттэй бөгөөд та ердөө өөрийн багийг бүрдүүлэн ирэхэд л хангалттай. Баг бүр 1-ээс 6 хүртэл хүний бүрэлдэхүүнтэй байна. Харин тэмцээний хувьд нийт 4 үетэй, үе тус бүр өрийн онцлогийг агуулсан тус бүр 10 асуулттай байдаг. Ингээд нийт 40 асуултаас хамгийн олон зөв хариулт ирүүлсэн баг ялагч болно. Тэмцээний сэдвийн хувьд шинжлэх ухаан, хөгжим, түүх, газарзүй, байгаль орчин, олны танил хүмүүс гээд өргөн сэдвүүдийг хамарсан байдаг.
Тэмцээний журмын дагуу оролцогч бүр 5000 төгрөгний хураамж төлснөөр тэмцээнд оролоцох эрхтэй болдог. Харин бүх оролцогчидоос цугласан хураамж шагналын санг бүрдүүлэх бөгөөд эхний 3 байрт орсон багууд уг мөнгийг журмын дагуу шууд газар дээр нь хуваан авдаг. Бид өнөөдрийг хүртэл ойролцоогоор 35 сая орчим төгрөгийн бэлэн мөнгийг ялагчиддаа тараагаад байна.
Хэрвээ та найз нөхөд, хамт олноороо цуглах үедээ цагийг өнөөх л шар айрагаа ууж, ярьдаг зүйлээ ярьж өнгөрөөдөг бол манай тэмцээнд хүрэлцэн ирээд багаараа оюун ухаан, мэдлэг боловсрол, авхаалж самбаагаа сорин бэлэн мөнгөний хожиж яагаад болохгүй гэж.
Харин тэмцээний эцэст зохион байгуулагддаг 2 дахь тэмцээн бол Алтан асуултын тэмцээн юм. Үүнд багаараа бус хувь хүн бүр өөрийн хариултаа өгч оролцох боломжтой. Тэмцээн зохион байгуулагдаж эхлэснээс хойш 4 удаа алтан асуултын ялагч тодорсон. Одоогоор нийт 9 долоо хоногийн турш Алтан асуултанд зөв хариулт өгсөн хүн тодроогүй байгаа бөгөөд шагналын сан 1,086,000 төгрөг болсон байна. Өнөөдөр ялагч тодорч чадах болов уу?
Бидний асуулт бэлэн танай баг бэлэн үү? Өнөөдөр 19:30 цагаас уулзацгаая.
Дэлгэрэнгүй мэдээллийг: 80032232, 80102232
Хаяг: Үндэсний циркийн зүүн өргөтгөл, Кроне Бруахаус ресторан
Facebook: Krone Brauhaus, Кроне асуулт-хариултын тэмцээн групп
