Монголын Үндэсний Бөхийн Холбооны маргалдагч талууд өнөөдөр уулзаж олон жилийн турш үүсээд байсан маргааныг эцэс болгохоор тохиролцож санамж бичиг байгууллаа. Уг уулзалтаар маргалдагч хоёр талуудын төлөөлөл нэгдсэн ойлголтод хүрч "Ойлголцлын санамж бичиг"-т гарын үсэг зурав.
"Гацуурт" компанийн захирал Л.Чинбат, Дархан аварга Х.Баянмөнх, Б.Бат-Эрдэнэ, Г.Өсөхбаяр, аварга Н.Батсуурь, арслан П.Бүрэнтөгс тэргүүтэй бөхчүүд яруу найрагч Ү.Хүрэлбаатар зэрэг хүмүүс уг уулзалтад оролцсон байна.
Санамж бичигт
1. МҮБХ-ны ээлжит бус "Их Эе" хурлыг 2019 оны хоёрдугаар сарын 16-нд хууль дүрмийн хүрээнд зохион байгуулж үүсээд байгаа маргааныг шийдвэрлэх
2. -"Бөхийн өргөө"-г нэн даруй нээж, Сар шинийн баярт зориулсан барилдааныг "Бөхийн өргөө"-нд зохион байгуулах
3. Ээлжит бус "Их Эе"-ийн ажлын хэсгийг дархан аварга Х.Баянмөнх, Б.Бат-Эрдэнэ нар ахалж зохион байгуулахаар тохиролцжээ.
