Инчеон-Улаанбаатар чиглэлд өнөөдөр хөөрөх гэж байсан нисэх онгоцонд тэсрэх бөмбөг байрлуулсан гэсэн мэдээллийн дагуу тус нислэгийг зогсоосон. БНСУ-ын Инчеон олон улсын нисэх буудлын аюулгүй байдлын албанаас үзлэг хийхэд ямар нэгэн тэсрэх бөмбөг илрээгүйг МИАТ-аас мэдээллээ.
Тиймээс нислэгийг үргэлжлүүлэх зөвшөөрлийг холбогдох газраас өгсөн даруй хөөрнө. Дээрх асуудлаас нислэг саатсанд МИАТ-аас хүлцэл өчиж буйгаа илэрхийлж цахим хуудаснаа мэдээлжээ.
