fbpx Үндэсний дата төв: Халдлагад өртөж, төр иргэдийн мэдээллийг алдсан зүйл байхгүй
 
Энэ мэдээ хуучирсан буюу 2019/02/19-нд нийтлэгдсэн мэдээ болно.
Ангилал
Эдийн засаг
Хэзээ
2019/02/19
Унших
2 минут 23 секунд

Үндэсний дата төв: Халдлагад өртөж, төр иргэдийн мэдээллийг алдсан зүйл байхгүй

УИХ-ын гишүүн Н.Учрал өчигдөр мэдээлэл хийж, "Манай улсын мэдээллийн аюулгүй байдал ноцтой түвшинд байгаа. 3.2 сая иргэний мэдээллийг төр хадгалж, хамгаалах бололцоо бүрдүүлээгүй тохиолдолд төрийн мэдээллийн нэгдсэн сан бүрдүүлэх нь өндөр эрсдэлтэй" хэмээн мэдэгдсэн. Мөн мэдээллийн Хур системийг ашиглаж байгаа төрийн байгууллагуудын мэдээллийг хакердсан. Үүнтэй холбогдуулан Хур системд хурууны хээ нь бүртгэлтэй иргэдийн мэдээлэл алдагдаж болзошгүй учраас энэ асуудлыг яаралтай шалгаж өгөхийг хүссэн юм. 

Түүнчлэн 2014 оны цахим аюулгүй байдлын индексээр Монгол Улс 14 дүгээрт бичигдэж байсан бол 2017 онд 103 дугаарт бичигдэх болсон нь төрийн мэдээлэл алдагдаж байгаа гэх мэдээлэлтэй холбоотой. Тиймээс Монгол Улс төрийн мэдээллийн нэгдсэн сангийн тухай хуультай болох саналыг Цахим бодлогын түр хорооноос гаргасан юм.

Хэрэв үнэхээр Н.Учрал гишүүний хэлснээр төрийн мэдээллийн хадгалалт хамгаалалт алдагдсан бол ямар хор хөнөөл учирч болох вэ. Дэлхий дээр одоо үед таны мэдээлэл, имэйл бүхий л дата гэхэд жилд 240 ам. доллар хүрдэг. За мэдээллээ алддаггүй юм аа гэхэд хувийн нууцлал гэх зүйл үгүй болно. Бүр муугаар бодоход хурууны хээ тань муу хүмүүсийн гарт орвол яах вэ гэдэг асуулт хамгийн айдас дагуулж байна. Төрийн 1,000 гаруй байгууллага, Монгол Улсын 3.2 сая иргэний мэдээллийг төвлөрүүлэн хадгалж байгаа мэдээллийн сан бүхий Үндэсний дата төвийн мэдээллийн хадгалалт хамгаалалт алдагдаж, халдлагад өртсөн бол улсын аюулгүй байдалд ч нөлөөлж болзошгүй. Монгол улсын иргэдийн дийлэнх нь цахим гэмт хэргийн хохирогч болох магадлалтай.

Харин энэ талаар Үндэсний дата төвтэй холбогдон лавлан асуухад "Халдлагад өртөж, мэдээллийн хадгалалт, хамгаалалт алдагдсан зүйл байхгүй. Төр, иргэдийн мэдээлэл халдлагад өртөж хамгаалалт алдагдаагүй" гэсэн хариулт өглөө. 

Ерөнхий шүүгч, Ерөнхий прокурорт нэр дэвшигчид тодорлоо
Эрчим хүчний сайд асан М.Сономпилд холбогдох эрүүгийн хэргийг прокурорт буцаажээ
Энэ мэдээ хуучирсан буюу 2019/02/19-нд нийтлэгдсэн мэдээ болно.

Шинэ мэдээ