МАН-ын Хяналтын ерөнхий хорооны шийдвэрээр Ц.Сандуй, С.Мөнхчлуун нарыг намын гишүүчлэлээс хасах болсон. Уг асуудалтай холбогдуулж НИТХ-ын тэргүүлэгч С.Мөнхчулуун мэдээлэл хийлээ. Тэрээр” Өчигдрийн хурлын шийдвэр шударга бус, гишүүдээ ялгаварлан гадуурхсан үйлдэл гэж харж байна.Хуулиар олгогдсон эрхээ эдэлсний төлөө намын бодлого сөрж, дүрэм зөрчсөн гэж үзэж байгаа бол ийм тохиолдол өмнө нь ч гарч байсныг санах хэрэгтэй.Тухайлбал, ганцхан жилийн өмнө л С.Амарсайхан дарга намынхаа бодлогыг сөрж, заалнаас нэр дэвшүүлэн Иргэдийн хурлын дарга болж байсан.Д.Сумъяабазар ч заалнаас нэр дэвшин нийслэлийн МАН-ын дарга болж байсан. Энэ асуудлаар МАН-ын Удирдах зөвлөлд өргөдөл гаргана. Нийслэлийн иргэдийн төлөөлөгчдийн хурлаар Засаг даргын асуудал хэлэлцэхэд ч дахин нэр дэвшин өрсөлдөнө" гэлээ.
