Дэлхийн бөхийн холбооноос өчигдөр ийм шийдвэр гаргасан байна. 2018 оны намар Индонез улсад болсон Азийн зуны спортын XVIII наадмын үеэр чөлөөт бөхийн эмэгтэйчүүдийн 62 кг-ын жинд барилдсан П.Орхоноос хориотой бодис илэрсэн хэмээн тэмцээнийг зохион байгуулагчид мэдэгдсэн юм.Дэлхийн бөхийн холбоо өчигдөр албан ёсны шийдвэрээ танилцуулж П.Орхоны барилдах эрхийг дөрвөн жил буюу 2022 оны есдүгээр сар хүртэл хасан, Монголын чөлөөт бөхийн холбоог мөнгөн торгуулиар торгохоор болжээ.
Сэргээшийн асуудал анх сөхөгдсөн даруйд П.Орхон болон түүний дасгалжуулагчид шинжилгээний хариуг үгүйсгэж, хорлогдсон байх магадлалтай гэсэн мэдээлэл тархсан. Харин Монголын чөлөөт бөхийн холбооны зүгээс энэ талаар албан ёсны тайлбар хийгээгүй юм.Ийнхүү Токио 2020 олимпийн наадмаас медаль авчирна гэсэн нэгэн найдвар талаар боллоо.