Их Британи Улсын Батт Их Сургууль, МУИС-ийн Математикийн хүрээлэнтэй хамтран ажиллаж байгаа бөгөөд энэ хүрээнд Үндэсний статистикийн хороонд өөрийн сургуулийн оюутнуудыг дадлага хийлгэж, Статистикийн байгууллагын албан хаагчтай судалгаа, шинжилгээний чиглэлд хамтран ажиллуулахаар болсон билээ. Энэ хүрээнд өнөөдөр Их Британи Улсын Батт Их Сургуулийн профессор А.Киприано, МУИС-ийн Математикийн хүрээлэнгийн захирал, доктор, профессор Ү.Отгонбаяр, докторант хоёр оюутны хамт ҮСХ-ны даргатай уулзлаа.
.jpg)
Уулзалтын үеэр Үндэсний статистикийн хорооноос мэдээллийг энгийн, ойлгомжтой, шуурхай хүргэх чиглэлд хийж буй шинэлэг ажлуудаа танилцуулж, цаашид бэлэн байгаа мэдээллийн ашиглалтыг нэмэгдүүлэхийн тулд гүнзгийрүүлсэн анализ хийх, тэр дундаа агаарын бохирдол болон бусад статистик тоон мэдээллийг ашиглан хамаарлын анализ хийх хүсэлтэй байгаагаа илэрхийллээ. ҮСХ-ноос энэ талаар судалгааны ажил хийж байгаа бөгөөд гүнзгийрүүлсэн дүн шинжилгээ, загвар боловсруулах чиглэлд хамтран ажиллах талаар санал солилцлоо.
Их Британи Улсын Батт Их Сургуулийн профессор А.Киприано статистикийн мэдээллийг илүү энгийн, ойлгомжтой хүргэх чиглэлээр шинэлэг ажлууд санаачлан хэрэгжүүлсэнд баяр хүргэж, хамтран ажиллаж байгаадаа таатай байгаагаа илэрхийллээ.
