Ерөнхий сайдад ЖДҮ-чин гишүүддээ хариуцлага тооц хэмээн энгийн иргэдээс эхлээд эрх мэдэлтнүүд хүртэл сануулж байна. Гэвч Ерөнхий сайдад ёстой жингийн цуваа явж л байдаг замын нохой хуцаж л байдаг гэдэг шиг ЖДҮ-чин гишүүдээ дүргүй бух шиг хамгаалж байна. Түүний шударга ёс, хариуцлагын сэлмийг хуйнаас нь мултархыг хүлээсээр олон нийтийн "итгэл алдарч" байна.

УИХ-ын ээлжит бус чуулган гуравдугаар сарын 18-нд нээлтээ хийхээр болсон.  Ээлжит бусаар  АТГ болон УЕП-ын удирдлагуудыг өөрчлөх асуудал яригдаж байгаа бол  АТГ-аас дахин өөр таван гишүүний бүрэн эрхийг түдгэлзүүлэх асуудлыг оруулж ирэхээр төлөвлөж байгаа бололтой. Тэднийг  ЖДҮХС-аас зээл авсан, албан тушаал, эрх мэдлээ хэтрүүлэн ашигласан байж болзошгүй гэж үзэж, бүрэн эрхийг нь түдгэлзүүлэх саналаа прокурорын байгууллагаас оруулж ирэх гэнэ. Гэхдээ түүнээс урьтаж эрх баригчдын зүгээс АТГ-ын дарга Х.Энхжаргалыг чөлөөлөх, Ерөнхий прокурор М.Энх-Амгалан нарыг чөлөөлөх асуудлыг хэлэлцэж магадгүй байна.

Эрх мэдэл, мэдээллийн давуу байдлаа ашиглан ЖДҮХС-гаас зээл авсан нэр бүхий 23 гишүүн шалгагдаж байгаагаас таван гишүүний бүрэн эрхийг түдгэлзүүлэх саналыг прокурор УИХ-д хүргүүлнэ гэж О.Баасанхүү гишүүн мэдээлсэн. Нийгэм ч ЖДҮ-чин гишүүдэд хариуцлага тооцохыг шаардаж байгаа. Өмнө нь нэр бүхий гишүүдийн бүрэн эрхийг түдгэлзүүлэх тухай Ерөнхий прокурорын саналыг УИХ хүлээж авалгүй буцаасан. Харин энэ удаад хэрхэхийг олон нийт харж, шаардаж байгаа билээ.

Ямартай шинээр шалгахаар болсон таван гишүүний бүрэн эрхийг түтгэлзүүлэх шаардлагыг УИХ-д өргөн бариад байгаа.  Эдгээр таван гишүүн АТГ-т шившигтэйгээ хутгалдаж байгаа талаар УИХ-ын О.Баасанхүү өчигдөр мэдээллэсэн. Тэрбээр "Миний сонссоноор нэг эмэгтэй гишүүн нь 120 сая төгрөгний бэлэглэлийн гэрээ хийчий гээд гуйгаад явж байгаад баригдчихсан байна лээ. Бас нэг гишүүн нь булхай нь илрээд ирэхээрээ АТГ-ын даргыг, байцаагчыг нь ална хядна гээд бөөн юм болж байгаа сурагтай байна" гэсэн юм. 

Ямартай ч одоо шалгагдаж буй гишүүд бүрэн эрхээсээ татгалзвал гарцаагүй яллагдах нь тодорхой. Тиймээс "но"-той үйлдлээ дарахын тулд ийнхүү шившигтэйгээ хутгалдаж буй хэмээн О.Баасанхүү гишүүн онцолж байсан. Үүний дараагаас АТГ-ын даргыг огцруулах асуудал сөхөгдсөн нь ЖДҮ-чидээ хамгаалах нэг арга хэмээн олон нийт үзэж эхэллээ. Нөгөөтэйгүүр Л.Болд, Л.Оюун-Эрдэнэ, Ж.Батзандан нарийг гишүүд энэхүү суудлийг горилж байгаа талаарх шум ч цахим сүлжээнд дэгдээд буй. Олон нийтийн дэвшүүлээд буй таамаг хоорондоо уялдаа холбоотой учир үгүйсгэх аргагүй.

Ямартай ч УИХ-ын ээлжит бус чуулганаар  АТГ болон УЕП-ын удирдлагуудыг өөрчлөх асуудал яригдаж байгаа бол  АТГ-аас дахин өөр таван гишүүний бүрэн эрхийг түдгэлзүүлэх асуудлыг оруулж ирэхээр төлөвлөж байгаа бололтой Тэднийг  ЖДҮХС-аас зээл авсан, албан тушаал, эрх мэдлээ хэтрүүлэн ашигласан байж болзошгүй гэж үзэж, бүрэн эрхийг нь түдгэлзүүлэх саналаа прокурорын байгууллагаас оруулж ирэх гэнэ. Гэхдээ түүнээс урьтаж эрх баригчдын зүгээс АТГ-ын дарга Х.Энхжаргалыг чөлөөлөх, Ерөнхий прокурор М.Энх-Амгалан нарыг чөлөөлөх асуудлыг хэлэлцэж магадгүй байна.

Тиймээс эрх баригчид ЖДҮ-чдээ дахин хамгаалж үлдэхийн тулд АТГ, прокурорын удирдлагуудыг солихоор зүтгүүлж байгаа бололтой. 

Цэргийн баяраар ЖДҮ-чид уйлах уу, АТГ-ын дарга уйлах уу гэдгийг харахад хэдхэн хоног үлдээд байна. 

АТГ-ын даргыг огцруулахад болохгүй зүйл байхгүй. Гагцхүү ганцхан АТГ-ын дарга Х.Энхжаргалыг огцруулаад, ЖДҮ-чин гишүүдээ хариуцлагаас холдуувал Ерөнхий сайдын өнөө яриад байдаг шударга, ёс хариуцлага гэж үлгэр байсныг ард түмэн харах биз ээ. 

Эх сурвалж: Erennews.mn