Аргын тооллын 3 сарын 13, Буд гараг. Билгийн тооллын 7, Чөлөөт эх одтой, шарагчин тахиа өдөр. Өдрийн наран 7 цаг 09 минутад мандан, 18 цаг 52 минутад жаргана. Тухайн өдөр үхэр жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
Чөлөөт эх одтой, шарагчин тахиа өдөр
Энэ мэдээ хуучирсан буюу 2019/03/13-нд нийтлэгдсэн мэдээ болно.
