ҮСХ-ны даргын А/30 дугаар тушаалаар батлагдсан ажлын хэсэг Олон Улсын Статистикийн Институтээс зохион байгуулж буй зурагт хуудасны уралдаанд ирүүлсэн бүтээлийг зохих аргачлалын дагуу дүгнэж, үндэсний ялагчийг тодрууллаа. Уралдаанд Улаанбаатар хот, Говь-Алтай, Дорнод аймаг, Багануур дүүргээс бүтээлүүд ирүүлснээс доорх 3 ангилалд тус бүр нэг бүтээл шалгаруулан, олон улсын хэмжээнд өрсөлдүүлэхээр илгээлээ. Үүнд:

• Их дээд сургуулийн бакалаврын эсвэл коллежийн оюутан ангилалд – МУИС-ын Бизнесийн сургууль Э.Хатантөмөр, Нийгмийн Ухааны сургууль А.Энхдөлгөөн нар “Гэр харуулын түшмэл, цэргийн бүртгэл тооллого монголчуудын ураг удмын түүхийн чухал сурвалж болох нь” бүтээл
• 
• Дунд сургуулийн сурагчид (2000-2003 онд төрсөн сурагчид) ангилалд 1-р байр English school of Mongolia багийн “Хуванцрын дайн”бүтээл
• 
• Дунд сургуулийн сурагчид (2003 оноос хойш төрсөн сурагчид) ангилалд 1-р байр Говь-Алтай аймгийн лаборатори нэгдүгээр сургуулийн "Алтай" багийн “Хог хаягдал” бүтээл тус тус шалгарлаа.
• 

Олон улсад шалгарсан бүтээлийг 2019 оны 08-р сард Малайз Улсын Куала Лумпур хотноо зохион байгуулагдах Олон Улсын Статистикийн Институт /ISI/-ээс зохион байгуулах Дэлхийн Статистикийн 62-р Конгрессийн үеэр тодруулах юм.

Уралдаанд идэвхтэй оролцсон оюутан, сурагчдад талархал илэрхийлье.