Нарантуул худалдааны төвд дахин гал гарлаа. Тодруулбал, тус худалдааны төвийн хойд талын павьлионууд буюу цахилгаан барааны павьлион шатсаныг унтраахаар ажиллаж байгаа аж. 

Энэ талаар Нийслэлийн Онцгой байдлын газраас тодруулахад "Баянзүрх дүүргийн 14-р хороо Нарантуул захын хашаан дотор Баялаг ундраа төвийн хойно цахилгаан барааны павьлион шатсан дуудлага 12:53 цагт ирсэн. Дуудлагын дагуу нийслэлийн Онцгой байдлын газрын гал түймэр унтраах 10, 14, 63 дугаар ангийн ээлжийн бүрэлдэхүүнүүд гал түймрийг унтраахаар ажиллаж байна" гэлээ.