БНХАУ-д болдог “Canton fair” үзэсгэлэн худалдаа нь 1957 оноос эхтэй бөгөөд энэ жил 62 дахь удаагаа амжилттай зохион байгуулагдлаа. Энэхүү үзэсгэлэн нь олон жилийн түүхтэй, хамгийн том үзэсгэлэнгийн талбай бүхий,хамгийн их худалдан авагч болоод нийлүүлэгчийг хамардаг гэдгээрээ нэр хүндтэй. Үзэсгэлэнгээс БНХАУ-ын үсрэнгүй хөгжлийг шууд харж болох бөгөөд дэлхийн худалдаа, харилцаа холбоог сайжруулахад ихээхэн үүрэгтэй үйл ажиллагаа юм.
“Canton fair” үзэсгэлэнд оролцож буй үйлдвэрлэгчид нь тодорхой шалгуур нөхцөлийг хангасан байх бөгөөд, Үүнд:
-Мэргэжлийн бүтээгдэхүүн үйлдвэрлэгч байх,
-Эрчим хүч хэмнэх болон байгаль орчинд ээлтэй бүтээгдэхүүнийг үйлдвэрлэдэг байх,
-Өндөр технологтой бараа бүтээгдэхүүн үйлдвэрлэдэг байх,
-Тус салбартаа тэргүүлэгч аж ахуйн нэгж байх шаардлагатай.
“Canton fair” үзэсгэлэнд оролцохоор ирж буй худалдан авагчдын тоо жилээс жилд нэмэгдэж байгаа бөгөөд жил бүр25-30 орчим мянган үйлдвэрлэгчид бараа бүтээгдэхүүнээ олон нийтэд танилцуулдаг ба дэлхийн 210 гаруй улс болон бүс нутгаас 200 гаруй мянган худалдан авагчид үзэсгэлэнг зорин ирж байна.

Кантоны яармаг хуваарийг сонирхуулбал:
1-р үе шат (4-р сарын 15-19, 10-р сарын 15-19):
Электроник, гэрэлтүүлгийн тоног төхөөрөмж, тээврийн хэрэгсэл, сэлбэг хэрэгсэл, машин тоног төхөөрөмж, тоног төхөөрөмж, барилгын материал, химийн бүтээгдэхүүн, эрчим хүчний нөөц, олон улсын асар
2-р үе шат (4-р сарын 23-27, 10-р сарын 23-27):
Хэрэглээний бараа, бэлэг, гэрийн чимэглэл
3-р үе шат (5-р сарын 1-5, 10-р сарын 31-11-р сарын 4):
Нэхмэл болон даавуун бүтээгдэхүүн, хувцас, гутал, зочид буудлын болон албан тасалгааны тоног төхөөрөмж, уут сав, баглаа боодол, хоол хүнс, эрүүл мэндийн бүтээгдэхүүн, эм, эмнэлгийн хэрэгсэл, олон улсын бүтээгдэхүүний асар гэсэн төрлүүд гарах аж. Энэ уламжлал нь бараг тогтсон хуваарь бололтой.
Экспортын нийт хэмжээ нь л гэхэд 1.3536 триллион ам.доллар, гадаад худалдан авагчдын тоо 8.6 саяд хүрчээ. Энэ тоо баримтаас харахад л үзэсгэлэн ямар том, ямар өргөн цар хүрээг хамарсан, ямар өндөр зохион байгуулалттай, олон арвин жилийн туршлагад тулгуурлан зохион байгуулагддаг болохыг харж болно.

“Canton fair”-д Эхлэлтэй аялсан тэмдэглэл
Сүүлийн жилүүдэд монголчууд шинэ бизнесийн санаа олох, эсвэл бизнесээ улам өргөжүүлэн тэлэх, шинэ техник технологтой танилцаж, дэлхийн зах зээлийг судлах зорилгоорэнэхүү үзэсгэлэнг зорьж байна. Энэ удаагийн аяллаар бид “Эхлэл” компанийг сонгон үйлчлүүлээд ирлээ.Хаврын эхний үзэсгэлэн 4 дүгээр сарын 15-ны өдрөөс эхэлж 19-ний өдөр өндөрлөв.
Энэхүү тоног төхөөрөмжийн үзэсгэлэнг Монголчууд олноор зорин очжээ. Барагцаагаар 400-500 бизнес эрхлэгчид шинэ санаа, шинэ түншээ эрэлхийж ирсэн бололтой. Манай аяллыг зохион байгуулсан “Эхлэл” компаниар гэхэд 150 орчим хүн Кантоныг зорин ирсэн байв. Тэд газрын болон агаарын аялалд хамрагдан зорьсон газраа иржээ.
Анхлан явж буй хүмүүст мэдэхгүй, чадахгүй зүйл олон байх бөгөөд зочид буудал, автобус унаа, хөтөч, үзэсгэлэн рүү орох мандат, сонирхсон тоног төхөөрөмж, бараа бүтээгдэхүүн борлуулагчтайгаа ойлголцохоос эхлээд бүх зүйлд тусламж хэрэг болсон. Энэ бүхэнд “Эхлэл”-ийн залуус маань түргэн шуурхай үйлчиллээ.
Үзэсгэлэнгийн танхим нь дөрвөн хэсгээс бүрдэх бөгөөд нэг танхимаар л гэхэд бүтэн өдөржин яваад ч барагдахааргүй том бөгөөд маш их зүйлийг багтаасан байв.

Эхний өдрийг ерөнхийдөө танилцах, хаана юу байгаагаа олж мэдэхэд зориулсан бөгөөд дараа дараагийн өдрүүдийг сонирхсон газруудтайгаа уулзалт хийх, тоног төхөөрөмжийн тайлбар авах, бараа бүтээгдэхүүнийг харьцуулж судлах зэргээр маш их мэдээллийг цуглуулан, танилцуулга, мэдээлэл солилцох ажлуудыг амжуулж ганзагаа дүүргэсэн юм. Арай туршлагатай хүмүүс нь үзэсгэлэнд ирэхээсээ өмнө, үзэх газруудтайгаа холбоо тогтоосон байх бөгөөд бага цаг зарцуулдаг юм байна

Энэ жилийн аялагч нарт “Эхлэл” компанийн зүгээс онцгой бэлэг барьсан нь, Гуанжоу хотын голоор урсах “Сувдан гол”- ын завины аялал байлаа. Нар буухад Гуанжоу хотын шөнийн неон гэрлүүд асаж, өнгө өнгийн гэрлээр чимэглэсэн гүүр, өндөр барилгууд, цамхагийг харан оройн зоог барьж, аяллын багийнхантайгаа танилцан хөөрөлдөж нэгэн оройг дурсамж дүүрэн өнгөрүүлсэн юм.

Дараагийн сонирхолтой үйл явдал бол Макаогийн аялал байсан. Энэ хот нь Португали улсын колонд 300 жил байсан юм. Манай аялагчид “Venetion” хэмээх казиног үзэж сонирхон, тансаг зэрэглэлийн дэлгүүрээр нүд хужирлаж, мөн 330 метрийн өндөрт байрлах “Maкао” цамхагт гарч нэгэн гайхалтай өдрийг өнгөрүүлсэн.

Ийнхүү хэрэгтэй мэдээлэл, шинэхэн бизнес санаагаа өвөртлөн, сайхан танилцаж нөхөрлөсөн аяллын багийнхантайгаа нутгийн зүг жолоо залсан юм.
Энэхүү аяллыг амжилттай зохион байгуулсан “Эхлэл” компанийнхандаа баярлаж талархсанаа илэрхийлэхийн зэрэгцээ нийт аялагчиддаа ажлын амжилт хүсэн, “Canton fair-2019” үзэсгэлэнгээс олж авсан мэдээллээ “Эх орондоо”-хэрэгжүүлээрэй гэж хүсэн ерөөе.