Монгол Улсын Засгийн газар, Монголын Үндэсний худалдаа аж үйлдвэрийн танхим хамтран жил бүр улс орны нийгэм, эдийн засаг, бизнесийн хөгжилд жинтэй хувь нэмэр оруулж буй аж ахуйн нэгжийг шалгаруулдаг уламжлалын дагуу 2018 оны “ТОП-100” аж ахуйн нэгжийг тодруулж алдаршууллаа.

Үндэсний агаарын тээвэрлэгч МИАТ ТӨХК эдийн засгийн хөгжлийн гол хөшүүрэг болж, улсын татварын орлогыг бүрдүүлэхэд бодитой хувь нэмэр оруулсан амжилтаараа 2018 оны “ТОП-100” аж ахуйн нэгжээр тодорсон байна.

“ТОП-100” аж ахуйн нэгжийг тодруулахдаа Сангийн яам, Татварын ерөнхий газар, Гаалийн ерөнхий газар, Нийгмийн даатгалын ерөнхий газар, Санхүүгийн зохицуулах хороо зэрэг байгууллагын статистик мэдээлэлд үндэслэн аж ахуйн нэгжүүдийн тухай жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн хэмжээ гэсэн үндсэн 5 үзүүлэлтийг харгалзан тодруулдаг бөгөөд МИАТ компани сүүлийн 4 жил дараалан ийнхүү “ТОП-100” аж ахуйн нэгжээр шалгарч байна.  МИАТ компани 2018 онд олон улсын 9, орон нутгийн 1 чиглэлд нийт 2,294 удаагийн аяллаар 712,545 зорчигч тээвэрлэсэн нь түүхэндээ хамгийн олон зорчигч тээвэрлэсэн үзүүлэлт юм.