Бэлгийн дарамт гэж юу вэ? 

Ажлын байран дээр танд хэн нэгэн эвгүйцмээр хөдөлгөөн харуулах, хоргоох, татаж чангаах, биеийн нууц, онцгой хэсгүүдэд хүрэх, тэврэх, үнсэх, базахаас эхлээд хувцсыг тань тайлахыг оролцох, бэлэг эрхтнээ шүргүүлэх, надтай бэлгийн харилцаанд орвол "харж үзнэ", "тушаал дэвшүүлнэ", "цалин нэмнэ" гэх мэт үгсийг хэлж байсан уу? Энэ бүхнийг ажлын байран дахь бэлгийн дарамт гэж нэрлэдэг байна. 

Жендэрийн эрх тэгш байдлыг хангах тухай хуульд:

“Бэлгийн дарамт” гэж бусдыг хүсээгүй байхад нь бэлгийн сэдлээ үг хэлээр, биеэр буюу өөр хэлбэрээр илэрхийлсэн, эсхүл хурьцал үйлдэхээс аргагүй байдалд оруулсан, мөн бэлгийн сэдлийн улмаас ажил, албан тушаал, эд материал, сэтгэл санааны болон бусад байдлаар хохироох үр дагавар бүхий тэвчишгүй орчин үүсгэх, айлган сүрдүүлэх, тулган шаардах зэрэг үйлдэл, эс үйлдэхүйг" хэлнэ гэж заажээ.

Дарамт шахалт үзүүлж бэлгийн харилцаанд оруулах зэрэг ийм төрлийн үйлдлийг гэмт хэрэг гэж үздэг байна. 

Тиймээс бэлгийн дарамт ямар байдлаар илэрдэг, хаана үйлдэгддэг, үүнд хэн өртдөг болон үйлддэг бас хаана хандаж тусламж авах боломжтойг хүчирхийллийн эсрэг үндэсний төв болон Хууль зүйн үндэсний хүрээлэнгээс гаргасан дараах мэдээллийг уншина уу.