Өнгөрсөн долоо хоногт нээлтээ хийсэн Т.Алтангэрэл багшийн “Мацаг мастер” бүтээл эрүүл амьдралын хэв маягийг эрхэмлэдэг хүмүүсийн дунд эрэлт ихтэй, ширээний ном болоод байна.
Номын зохиолчийн хувьд Энэтхэг, Ирланд улсуудад мэргэжил эзэшсэн, йога бясалгалын багш, аюурведын ухааныг Монгол хүний бие, сэтгэлгээний онцлогт нийцүүлэн дэлгэрүүлж яваа нэр хүндтэй, Монголын йогын ертөнцийн өнгийг тодорхойлж яваа цөөн хүмүүсийн нэг хүн юм. Т.Алтангэрэл гэхээр йог бясалгал, эрүүл хүнс, мацаг сонирхдог хүмүүсийн дунд танихгүй хүн байхгүй биз ээ.
Билэгт сайн өдөр Маршель галларейд болсон номын нээлтийн баяр Т.Алтангэрэл багшийн аль нэг сургалтад сууж, өөрийн биед үр дүнг нь мэдэрч үзэж, урамшин багшаас гарах мэдлэгийг амжаад хүртэх юмсан гэж яаран ирцгээсэн хүмүүсийн хөлд дарагдаж бүтээлийн тухай, анх танилцаж түүний сургалтуудтай нөхөрлөсөн түүх, сэтгэгдэлээ халуун дулаанаар илэрхийлж байлаа.
Нуруу нь өвдөж, хүнээр түшүүлж явдаг, нурууны хагалгаанд орох өдрөө хүлээж байхдаа багштай холбогдож, хэдхэн дасгалын дараа юун хагалгаанд орох, өөрөө ганцаар алхаж эхэлсэн тухайгаа дурсах нэгэн байхад нойрны эмгүй л бол унтаж чаддаггүй байсан ч бясалгалын хичээлийн дараа нам унтдаг болсон шүү гэж баярлан ярих нэг нь ч байх.
Биеэ хоргүйжүүлэн цэвэрлэж илүүдэл жингээсээ салсан, кичари эмчилгээний дараа цэвэршсэн байсан хүний сарын тэмдэг ирсэн, хүүхэдтэй болж чаддаггүй байсан хүн жирэмсэн болсон гээд тэдний түүхүүд үргэлжилнэ.
Мацаг гэдэг зүгээр нэг хоол идэхгүй ус уухын нэр биш, хүн өөрийн биеийн онцлог, махбодио танин мэдэж, өөрөө өөртөө оточ болон бие сэтгэлээ жаргаан хийдэг уламжлалт ухаан аж. Энэхүү ухааныг танд улбаалан хүргэж буй гарын авлага бол “Мацаг мастер” ном болжээ.
Гарчиглах төдийд л хүн өөрийн дошагаа хий, шар, бадганын аль нь болохыг тодорхойлох тест, өөрийн дошадаа тохирох хоол хүнс, амт дошад хэрхэн нөлөөлдөг, улирал байгалийн цагтайгаа хэрхэн уялдуулан зөв хооллох, хоол хүнсний үлдэгдлээс үүсэх хорыг шалгах арга, мацгийн биед үзүүлэх нөлөө, мацгийн төрлүүд, тайлах арга зэрэг олон мэдлэгийг багтаасанд талархаж байгаагаа худалдан авагчид хэлж байна.
“Мацаг мастер” бол Т.Алтангэрэл багшийн 3 дахь ном. Өмнө нь “Би өөртөө хайртай” “Мацаг- Байгалийн эмчилгээ” нэртэй 2 ном гаргасан нь хамгийн их борлуулалттай номын жагсаалтыг тэргүүлж байсан юм.
Баяр дээр баяр нэмсэн онцгой нэгэн үйл явдал болсон нь “Өв тээгч Монгол иогийн урсгал”-ыг дэлхийд гаргах их үйлсийн нээлт байв.
“Дэлхийд дуурсагдах Монгол йогийн төсөл нь Монголын язгуур урлаг болон хөгжмийн зэмсэгийг йогийн шинэ урсгал хэлбэрээр дэлхий нийтэд таниулах, язгуур урлагаа сэргээх, үеийн үед хадгалах чин зүрхний ажил юм.
Дэлхий нийтээрээ ажил амьдралын ачааллаас үүсэх ядаргаа бухимдлыг тайлах, эрүүл бие саруул ухаантай байх, төгс гэгээрэлд хүрэх зорилгоор энэтхэгээс гаралтай йогийг сонирхдог болжээ. Йогийн тухай мэдэх хүн бүр йогийг биеэ амрааж сэтгэлээ засах зорилгоор хэрэглэх болсон.
Йогийн дасгалаар биед хуримтлагдсан ядаргаа болон бухимдлыг тайлахад тодорхой хугацаа шаардлагатай байдаг. Олон жилийн турш тасралтгүй хийж байсан йогийн хичээлүүддээ ашигласан Монгол ардын дуу хуур, хөгжмийн зэмсэг, уртын дуу, бүжгээр хүний амьсгал хэрхэн уужирч, бие сэтгэлийн ядаргаа ямар ч йогийн дасгалаас илүү хурдан тайлагдаж байгааг анзаарч ажиглаж ирсэн.
Тийм учраас язгуур урлагаа йогийн урсгал болгон нээж байгаадаа бахархалтай байна” хэмээн Т.Алтангэрэл багш хэллээ. Дашрамд сонирхуулахад, "Мацаг мастер" номын борлуулалтын орлого Өв тээгч Монгол йогийн урсгалыг дэлгэрүүлэх их үйлсэд зарцуулагдах ажээ.
Тус бүтээлийг худалдан авахыг хүсвэл та “МАЦАГ Мастер ном” пэйж хуудсаар зочлоорой.
