Төрийн ордны зүүн талд байрлах Япон хоолны "Нагоми" рестораны хоолноос олон тооны шавьж илэрсэн талаар иргэн Ч.Батзул өөрийн цахим хуудсандаа нийтэлсэн.
Энэ талаар бид НМХГ-аас тодруулахад, "Бид иргэний мэдээллийн дагуу хяналт шалгалтын ажиллагаа явуулсан. Шалгалтаар, тухайн иргэний хоолноос байцаанд байдаг шавьж гарсан нь тогтоогдсон. Уг нь байцааг хоолонд хийхээсээ өмнө угааж, цэвэрлэх ёстой. Гэтэл тэгэлгүйгээр шууд хэрэглэсэн байна лээ. Энэ нь хоол үйлдвэрлэлийн технологийг зөрчсөн тухайн ААН-ийн буруутай үйл ажиллагаа гэж бид дүгнэсэн" гэв.
Тус ресторан нь Монголд 13 жилийн турш үйл ажиллагаа явуулж байгаа бөгөөд “Таван Богд” Группийн охин компани “Таван Богд Вашёкү”-гийн нэг салбар юм байна.
“Таван Богд” группийн эрхлэн ажиллуулдаг түргэн хоолны "KFC"-ийн салбарт үйлчлүүлсэн иргэд хордлого авч байсан тохиолдол хэд хэдэн удаа гарч байсан юм.
