Өнөөдөр мөнгө хүүлдэг илбэчидийн оргил орлого нь Оюутолгойн гэрээ байгуулсны шан харамж хахууль юм. Их бодож нэг кнопонд хэдэн тэрбум хэтэвчинд нь орсон ч хиртэй мөнгө тогтдоггүй, бохир мөнгө цустай байдаг болохоор хэтдээ хол явахгүйн үлгэр өнөөдөр биеллээ олж байна. Тэд бид хулгай хийгээгүй гээд л худлаа бахирсаар олон жилийн нүүр үзэж, ой гутаж огиудас хүрсэн өдрүүдийг монголчууд арай хийн барж байна. Айж ичих ч мэдрэмжээ улс төрчид аль эрт гээсэн аж. Ардуудыг тэд 90 оноос хойш ийн мадалсаар ирсэн, цаашид ч мадална хэмээн тооцож байна. Нийгмийн сүлжээ байгаагүйсэн бол хэдэн улс төрчдийн худалдагдсан телевиз, сонин, сайт, сэтгүүлчдээр л дамжуулан толгой угаасан худал мэдээлэлд тархиа угаалгах байлаа. Энэ бол 29 жил эзэлсэн барууны технологи, өмнөдийн мэх.
ЖДҮ бол жижигхэн хоолны мөнгө. Жинхэнэ эзэд цухуйгаагүй байна. ЖДҮ үсрээд 47 тэрбум. Эрдэнэтийн 49 хувь 13 их наяд, Оюутолгойн алдагдал 2 миллиард доллар, 5 толгойн мөргөцөг 400 тэрбум гэх. Чингис, Самурай бонд, Хөгжлийн банк, Тариалан эрхлэх сан, Мал хамгаалах сан, Офшор бүс, Оюутолгой, Эрдэнэт, Концесс, 60 тэрбум, Улаанбаатар сан гээд эвлэж тоог нь ч гүйцэхгүй тодорхой баримтууд олонд дэлгэгдсэн. Үнэнг гүйцэхээр үхэр тэрэг хөлөглөн сажлах монголчуудын хувьд сайн цагийн эхлэл ирсэн. Сайтар бодож салан зангаа хаяж, саравчилсан эзнээ таньвал төрийн хулгайчууд занганд орсон нь ойлгомжтой.
Оюутолгойн хөрөнгө оруулалтын гэрээний булхай төдийгүй авсан шан харамжийг 2008-2012 оны УИХ-ын гишүүд, Засгийн газрын гишүүдээс шүүрдэхэд төвөггүй олно.
Энд дор хаяж 2-5 сая ам. долларыг гишүүн тус бүрт хахууль болгон хаясан гэсэн мэдээлэл тухайн үед Төрийн ордонд тэнүүлчилж байв. Тэр байтугай тухайн үеийн Засгийн газрын ХЭГ-ын даргын арын өрөөнд хахуулийн мөнгө тараагдсан гэсэн мэдээлэл ортой байх. Оюутолгойн гэрээг эсэргүүцсэн цөөн хэдхэн гишүүдийг эс тооцвол аз уу, эз үү гэх шиг олон гишүүд Оюутолгойгоос овжин баяжсан дам мэдээ бий. Тухайн үед Ерөнхийлөгч, УИХ-ын дарга, Ерөнхий сайд хэн байв. Тэднээс хариуцлага нэхэхэд тэгэсхийгээд тодроод ирнэ.
Цаг хугацааг царцааж харвал цаанаа хууль бус хөрөнгөжих үндсийг тавьсан Оюутолгойн гэрээ цөөн хэдэн улс төрчдөд урхи хаяад улмаар өөрт ашиггүй хөдөлгөөн хийх тусам өнөөх гэрээний нэрээр хахууль тараасан барууны эздийн зүгээс хахууль үмхсэн улс төрчдөд чамгүй дарамт ирдэг бололтой юм. Панамын данс гэгч нь угаас тэднээс ирсэн урхи гэлцэх. Өөрөөр хэлбэл өгөөшөө хаясан гадныхан манай авилгач улс төрчдийг гартаа бүрэн авч хяналтандаа барьсан байна. Удахгүй энэ хэрэгт холбоотой 40 гаруй улс төрчдийн нэрсийг зарлана хэмээн айлгаж байгаа мэдээлэл бий. Нойртой нойргүй хонож байгаа тэдгээр улс төрчид хэн бэ? Удахгүй нэр устайгаа тодорно.
Эх сурвалж arawt.mn
