МУ-ын Ерөнхий сайд У.Хүрэлсүх төрийн данхар аппаратыг цомхон чадварлаг болгох, үр ашгийг нэмэгдүүлэх талаар дорвитой өөрчлөлт хийхээ мэдэгдэж байсан. Засгийн газрын энэ бодлогыг хэрэгжүүлэх үүднээс Төрийн банкны ТУЗ өнгөрсөн баасан гаригт хуралдаж, тус банкны удирдлагын түвшинд өөрчлөлт оруулж, захирлуудын тоог 50 хувиар бууруулах шийдвэр гаргажээ. Өөрөөр хэлбэл тус банкинд газар, хэлтсийн 70 орчим захирал ажиллаж байсныг 40 орчим болгож цөөлжээ.
