БНХАУ-ын Өвөрмонголын өөртөө засах орны Ордос хотноо “Алтан бүс 2019” бөхийн барилдаан арванхоёрдугаар сарын 22-нд болох гэж байна. Энэхүү барилдаанд манай улсаас Улсын аварга Ч.Санжаадамба, улсын арслан П.Бүрэнтөгс, Р.Пүрэвдагва, улсын харцага О.Хангай тэргүүтэй 40 орчим бөхчүүд оролцох ажээ.
Өнгөрсөн жил болсон уг барилдаанд Улсын Харцага Оргихын Хангай түрүүлж “Алтан бүс”-ийн эзэн болж байсан билээ.
Уг барилдааны үеэр мэргэжлийн бөхөөр /Хятад бөх/ Монгол улсын аварга Н.Батсуурь, арслан Ц.Содномдорж нар Чөлөөт бөхийн дэлхийн аваргатай халз барилдахаар болсон байна.
“Алтан бүс”-ийн тэмцээн жилээс жилд өргөжин олон төрлийн барилдааныг нэмж шоу тал руугаа идэвхитэй ажиллаж байгаа ажээ. Дашрамд, “Алтайн бүс”-ийн барилдаанд улсын аварга Ч.Санжаадамба заан цолтойдоо түрүүлж байсан бөгөөд улсын арслан П.Бүрэнтөгс, Р.Пүрэвдагва, аварга Т.Цагаанзаан түрүү бөхөөр тодорч байжээ.
Шуурхай.мн
