Өнөөдөр нийслэлийн ИТХ-аас "Рио-2016" паралимпийн хүрэл медальт, Дэлхийн хошой аварга, дэлхийн цомын аварга, Азийн аварга, гавьяат тамирчин Э.Содномпилжээд "Нийслэлийн хүндэт иргэн" тэмдэг гардуулна. Э.Содномпилжээ энэ жил гаргасан амжилтаараа “Гиннесийн ном”-д бичигдсэн бахдам амжилт гаргасан бөгөөд пара пауэрлифтингийн төрөлд найман удаагийн рекорд, IPF буюу энгийн /эрүүл/ пауэрлтифтингийн төрөлд дөрвөн удаагийнх, нийт тив дэлхийн 12 рекордыг эзэмшдэг

Дэлхийн 7 тэрбум хүнээс онцгойрч энэхүү номд бүртгүүлнэ гэдэг амаргүй. Харин Төв Азийн цээжинд орших МОНГОЛ улсаас нэгэн хүү энэхүү бахдам амжилтыг удаа дараа үзүүлээд байна. Дараах хоёр амжилт бол Монгол хүчтэн Э.Содномпилжээгийнх

Казахстан Нур-Султан хот 7 сарын 11-21-н Пара пауэрлифтингийн Дэлхийн аварга шалгаруулах тэмцээн 107 кг-ийн жинд Монгол Улсын Гавьяат тамирчин Э.Содномпилжээ өрсөлдөж, 247 кг өргөснөөр алтан медаль хүртэж, дэлхийн дээд амжилтыг шинэчиллээ.

Тэрээр өнгөрсөн жил Индонезийн Жакарта хотод болсон Азийн пара наадмаар 244 кг өргөж, дэлхийн дээд амжилт тогтоогоод байснаа ийнхүү ахиулж буй юм.

9-р сарын 12 Улаанбаатар Пауэрлифтингийн хэвтээ шахалтын Азийн аварга шалгаруулах тэмцээн. Тэмцээний сүүлийн өдөр эрэгтэйчүүдийн 105 кг-ын жинд Э.Содномпилжээ 248 кг-ыг цээжнээс шахсанаар алтан медаль хүртлээ. Тэрбээр өмнө хоёр оролтуудаа (240, 245) амжилттай гүйцэтгэсэн юм. Гавьяат маань 248 кг-ыг өргөснөөр энэ жингийн дэлхийн дээд амжилтыг шинэчлэн тогтоолоо.

Энэхүү Бахдам амжилт түүний энэ жил үзүүлсэн амжилтууд Өмнөх жилүүдэд ч гэсэн гайхамшиг үргэлжилсэн. Одоо түүнд Токиогийн олимпод оролцож Олимпийн Алтан медалийг хүртэж, Алтан соёмбот тугаа мандуулж, Төрийн дууллаа эгшиглүүлэх Хосгүй зорилт бий.

Шуурхай.мн