Монгол Улсын мэргэжлийн баг “Улаанбаатар ММС Энержи” багийг 2019/12/20-22-ны өдрүүдэд БНХАУ-д зохион байгуулагдах “Sina Elite League Final”-д оролцохыг урьсаны дагуу манай баг тамирчид урд хөршийг зорилоо.
Багийн бүрэлдэхүүнд ОУХМ Д. Дэлгэрням, Э. Цэрэнбаатар, Г. Цэнгүүнбаяр, А. Ананд нар дасгалжуулагч С. Тулгын хамт оролцоно.
Багийн довтлогч Э. Дөлгөөн өнгөрсөн жил баруун гарынхаа дунд хуруунд хийлгэсэн төмрөө авахуулах хагалгааг БНСУ-д амжилттай хийлгэсэн учраас энэ удаа өнжиж байна.
“Sina Elite League” нь БНХАУ-ын 150 хот 30,000 баг, 120,000 тамирчныг хамарч 1 тэрбум үзэгчтэй лиг бөгөөд лигийнхээ Финалд дэлхийн шилдэг багуудыг урилгаар оролцуулдаг юм байна. Энэ жил FIBA-гийн мэргэжлийн 16 баг өрсөлдөхөөр Өмнөд хөршийг зорино.
Улаанбаатар ММС Энержи багтаа амжилт хүсье!
