2019 он улирч  шинэ он эхлэхэд хэдхэн хоног үлдлээ.  Жирийн иргэнээсээ эхлээд улс орон хүртлээ улирч буй жилд юу бүтээв, үлдэх мөр, үнэлэгдэх үр дүн юу байв гэдгээ энэ цагаар үеэр тунгаан цэгнэж буй нь тодорхой.  Уламжлалт оны шилдэгүүд удахгүй тодорно. 

Үндэсний тэргүүлэгч ZALUU,COM  сайт  “Шилдгийн шилдэг  аймаг, дүүрэг, яамд шалгаруулах”  нээлттэй санал асуулгыг иргэдийнхээ дунд эхлүүлж байна. Санал асуулга энэ сарын 30 хүртэл үргэлжилнэ. Нийт 21 аймаг, 9 дүүрэг, 14 яамны ажилд та Иргэн хүнийхээ хувьд санал өгнө.

Хамгийн үнэ цэнэтэй, үнэн зөв бодит дүгнэлтийг зөвхөн иргэд л өгч чадна. Орон нутгийн төрийн захиргааны байгууллагууд иргэн таны хүсэлтэд хэрхэн хандаж байсан,  асуудлыг хөнгөн шуурхай шудрагаар шийдвэрлэж байсан эсэх, төрийн албан хаагчдын ёс зүй зэрэг нь анзаарагдахгүй өнгөрнө гэж үгүй. Тиймээс энэ л сэтгэгдэл дээрээ үндэслэн  Та дэмжих эсэхээ илэрхийлнэ гэсэн үг.  

Энэхүү санал асуулга нь үндсэндээ төрийн захиргааны байгууллагуудад олон нийтийн зүгээс өгч буй үнэлэлт дүгнэлт учир дарга нар өөрсдийгөө хэр ажиллаж байгааг анзаарч харах боломж тохиож байна гэсэн үг.  

Үнэхээр оны шилдэг мөн үү, биш үү  гэдгийг сайд,  дарга нар бус иргэд л үнэн бодитой хэлж чадна. Тиймээс Та манай санал асуулгад идэвхтэй оролцоорой.