Монгол Улсын гарьд Ц.Цэрэнпунцаг 100 сая ам.долларын зээл авч Хөвсгөлийн газар нутгийг ухахаар 2019 оны арванхоёрдугаар сарын 10-ны өдөр Хятадын “Sinosteel” групптэй гэрээ байгуулсан тухай шуугиан дэгдээд байгаа билээ. Хөвсгөлийн ордод эзэн суусан “Аспайр майнинг” компанийн 51 хувийг 33,5 сая ам. доллар төлж эзэн суусан Завхан аймгийн харъяат Улсын гарьд Ц.Цэрэнпунцаг Хятадын” Sinosteel” групптэй үнэхээр энэ сарын 10-ны өдөр Хөвсгөлийн Овоотын уурхайг ухах 100 сая ам. долларын зээлийн гэрээнд гарын үсэг зурсан байна. Үүнтэй холбогдуулж "Босоо хөх Монгол" ТББ-аас Хөвсгөл аймгийн Засаг дарга, ИТХ-ын дарга нарт "Байгаль эх, хариуцлагатай уул уурхай" үндэсний чуулганы үеэр шаардах бичиг илгээлээ. "Босоо хөх Монгол" ТББ-ын Тэргүүн Г.Ганхуяг үндэсний чуулган дээр шаардах бичгийг уншиж сонордуулсан юм.
