Хүндийн өргөлийн Дэлхийн цомын тэмцээн Катарын нийслэл Доха хотноо болж өндөрлөлөө. Дэлхийн цомын тэмцээн энэ сарын 19-24-ний хооронд болсон бөгөөд “Токио 2020” олимпийн наадмын оноо олгох чухал тэмцээн байсан юм. Энэхүү тэмцээн манай улсын шигшээ багийн 3 тамирчин хүч үзэж нэг хүрэл, 7 байрын шагналтай оролцов.
Эмэгтэйчүүдийн 76 кг-ийн жинд Дэлхийн аваргын хошой хүрэл медальт, залуучуудын Ази тивийн болоод дэлхийн аварга, Оюутны дэлхийн аварга, Азийн танхимын спортын наадмын аварга, Азийн аварга М.Анхцэцэг огцом өргөлтөөр 102 кг-ийг өргөж хүрэл, түлхэлттэй өргөлтөөр 124 кг-ийг өргөж хүрэл, нийлбэр дүнгээр 226 кг-ийн амжилтаар хүрэл медаль хүртлээ. Мөн ОУХМ Дэлхийн цомын аварга Э.Билэгсайхан 7 байранд орсон амжилт үзүүлжээ.
Шуурхай.мн