Өмнөд Солонгосын агаарын тээврийн “Korean Air”-ийн өв залгамжлагчдыг тойрсон дуулиан тасралтгүй үргэлжилсээр байна. Хамгийн сүүлд гэхэд Зул сарын баярын үеэр “Korean Air”-ийн гүйцэтгэх захирал Чо Вон Тэ ээжтэйгээ маргалдаж, гарыг нь санамсаргүй зүсч гэмтээсэн талаар хэвлэлүүд мэдээлж эхэлжээ. Тус компаний ганц эрэгтэй хүү нь болох “Korean Air”-ийн захирал Зул сарын баярын өдөр ээж ийнхээ гэрт зочлохдоо бизнесийн асуудлаар маргаж, уурандаа хана руу ваар шидэж, ваарны хэлтэрхий ээжийнх нь гарыг зүсэж гэмтээсэн гэнэ.
Уг асуудал нь эхний тохиолдол биш бөгөөд өнгөрсөн сард компанийн өв залгамжлагчид хоорондоо маргалдаж, нэгнийхээ эсрэг зарга мэдүүлээд байсан юм. “Hanjin” группыг үүсгэн байгуулагч Чо Ян Хо гурван хүүхэдтэй бөгөөд ганц хүү Чо Вон Тэ нь өнгөрсөн оны дөрөвдүгээр сард эцгийгээ таалал төгссөний дараа “Korean Air”-ийн гүйцэтгэх захирал, “Hanjin” группийн ерөнхийлөгч болсон билээ.
“Hanjin” группийн 6,52 хувийг Чо Вон Тэ эзэмшдэг бол түүний эгч Хидер Чо 6,49 хувийг, ээж Ли Мюн Хи 5,31, , Эмили Чо 6,47 хувийг тус тус эзэмшдэг ажээ. Эдгээр өв залгамжлагчид компаниа хэн нь удирдах вэ? гэдэг дээр ихээхэн маргалддаг бөгөөд ирэх гуравдугаар сард “Hanjin” группын ТУЗ-ын хурал болох юм. Ээж нь болох Ли Мюн Хи хоёр охиныхоо талд байдаг гэх ба хоёр охин одоогийн байдлаар ТУЗ-д байдаггүй юм. Учир нь ууган охин Хидер Чо нь 2014 онд ууттай самрыг задалж өгөөгүй гэх шалтгаанаар өөрийн компаний нисэх онгоцны үйлчлэгчийн биед халдсан хэргээр шийтгүүлж, “Korean Air”-ийн удирдах түвшний албан тушаалаасаа огцорч байсан бол бага охин Эмили Чо ажилтнууд руугаа лонхтой ус чулуудаж мөн л албан тушаалаа алдаж байсан юм.
Шуурхай.мн
